આવતીકાલે મૌની અમાસે મહાકુંભમાં મહાભીડને લઈને ડીએમ – એસપીએ કમાન સંભાળી : અખાડા માર્ગ સીલ : શિબિરો – ટેન્ટ, હોટેલો, રેનબસેરા ફૂલ: સંગમથી સડક સુધી શ્રધ્ધાળુઓનો જ રેલો
મૌની અમાસે મહાકુંભમાં સૌથી મોટુ અમૃત સ્નાન થશે. જેને લઈને રાત્રે 8 વાગ્યે જ શરૂ થઈ જશે મહાસ્નાન. આ દિવસે કરોડો શ્રધ્ધાળુઓ ઉમટી પડનાર છે. ત્યારે તેમને કોઈ પ્રકારની અસુવિધા ન થાય તે માટે વ્યાપક વ્યવસ્થા કરવામાં આવી છે. 10 જીલ્લાનાં ડીએમ અને એસપીએ કમાન સંભાળી લીધી છે. અખાડા માર્ગ સીલ કરાયો છે. લગભગ 12 કિલોમીટરના ક્ષેત્રમાં વિકસીત બધા 44 ઘાટો પર સ્નાનની તૈયારી થઈ રહી છે. સંગમ ઘાટોની સાથે સાથે જ ઐરાવતઘાટ અને અરૈબ ઘાટ પર આઈએએસ અધિકારીઓ અને એડીએમ અને એસડીએમ રેન્કના પીસીએસ અધિકારીઓને લગાવવામાં આવ્યા છે.
- Advertisement -
10 કરોડ શ્રધ્ધાળુઓ આવવાનું અનુમાન
મહાકુંભનાં આ મુખ્ય અમૃત સ્નાન પર્વ પર લગભગ 10 કરોડ શ્રધ્ધાળુઓના આવવાનું અનુમાન છે.તેના અનુસાર જ વ્યવસ્થા કરવામાં આવી છે. બે દિવસ પહેલાં જ ભારે ભીડ ઉમટી પડી છે. મહાકુંભ મેળા ક્ષેત્રનાં વાસીઓ અને સંસ્થાઓની શિબિરો ભરાઈ ચુકી છે.
રેન બસેરાઓમાં પણ જગ્યા નથી. શહેરની હોટેલોથી માંડીને મેળા ક્ષેત્રમાં બનાવવામાં આવેલ સરકારી અને ખાનગી ટેન્ટ સીટીના પણ આવા જ હાલ છે. મૌની સ્નાનનો મહાયોગ આમ તો આજે મંગળવારે 8 વાગ્યે જ શરૂ થઈ જશે પણ અખાડાનું મહાસ્નાન બુધવારે સવારે શરૂ થશે. અખાડા માર્ગને સીલ કરી દેવાયો છે.
અમૃતસ્નાન પથ પર નહિં જઈ શકે શ્રધ્ધાળુ
આ અમૃત સ્નાન પથ પર જ અખાડાનાં જ સંતો-મહાત્મા તેમના શિષ્ય અને ભકત આવી શકે છે. અખાડા માટે સંગમ તટ પર અલગથી સ્નાન ઘાટ બનાવવામાં આવ્યા છે. જયાં સામાન્ય શ્રધ્ધાળુ ડુબકી નહિં લગાવી શકે. સામાન્ય શ્રધ્ધાળુ માટે અલગથી ઘાટ બનાવવામાં આવ્યા છે.
- Advertisement -
ઐરાવત સંગમ ઘાટ પર વિકસીત કરાયો છે. જયાં પૂર્વી યુપી, ઉતર પ્રદેશનાં જીલ્લા બિહાર, ઓરીસ્સા, બંગાળ વગેરે રાજયોનાં શ્રધ્ધાળુઓ સ્નાન કરશે. જયારે મધ્યપ્રદેશ ગુજરાત, રાજસ્થાન, મહારાષ્ટ્ર સહીતનાં રાજયોના શ્રધ્ધાળુઓ માટે અરૈલમાં સ્નાન ઘાટ બનાવાયા છે. દિલ્હી, પશ્ચિમી ઉતર પ્રદેશ, ઉતરાખંડ, હરીયાણા-પંજાબનાં શ્રધ્ધાળુ માટે સંગમથી માંડીને નાગવાસુકી ઘાટ પર સ્નાનની તૈયારી છે.
