“ખાસ-ખબર” અહેવાલ બાદ
ચોટીલા પ્રાંત અધિકારી દ્વારા 20 દિવસ બાદ અંતે યાદી જાહેર કરી
- Advertisement -
ખાસ-ખબર ન્યૂઝ સુરેન્દ્રનગર, તા.7
સુરેન્દ્રનગર જિલ્લામાં ચાલતી કોલસાના ગેરકાયદેસર ખનનક્ષી સૌથી મોટું હબ ગણાતા થાનગઢ પંથકના સોનગઢ ગામે ચાલતી ગેરકાયદેસર કોલસાની ખાણો પર ગત 16 એપ્રિલના રોજ ચોટીલા પ્રાંત અધિકારી દ્વારા દરોડો કરી જેસીબી, લોડર અને કોલસાનો મોટા પ્રમાણમાં જથ્થો સહિત લાખો મુદામાલ કબ્જે કરાયો હતો. પરંતુ બાદમાં કોઈ કારણોસર સોનગઢ ગામના ખારા વિસ્તારમાં ચાલતી આ ઓપન કટીંગ ખાણો ચલાવનારા અથવા તો ગેરકાયદેસર કોલસાના ખનન થતાં સ્થળની જમીનના કબજેદારોની વિગત સામે આવી ન હતી જે બાબતે “ખાસ-ખબર” દ્વારા 6મેના રોજ અહેવાલ પણ પ્રસિધ્ધ કરાયો હતો
જેમાં સોનગઢ ગામે ખારા વિસ્તારમાં ઓપન કટીંગ ખાણોના દરોડા બાદ પણ જમીન માલિકોના નામો સામે નહીં આવતા શંકા વ્યક્ત કરી હતી. “ખાસ-ખબર”ના આ અહેવાલને ધ્યાને લઈ ચોટીલા પ્રાંત અધિકારી એચ.ટી.મકવાણા દ્વારા તાત્કાલિક ધોરણે સોનગઢ ગામે ઓપન કટીંગ ખાણોમાં 16 એપ્રિલના રોજ કરેલા દરોડામાં જે જમીન પર કોલસાની ખાણો ચાલતી હતી તે કબજેદારોના નામની વિગત મોદી સાંજે પ્રસિધ્ધ કરી હતી. પ્રાંત અધિકારી દ્વારા જાહેર કરેલી યાદી મુજબ કુલ પાચ સર્વે નંબરની આશરે પચાસ વિધા કર્યા પણ વધુ જમીનો અને આ જમીનોના બે કબજેદારોના નામ પણ સામે આવ્યા છે. ત્યારે કબજેદારોના નામની વિગત સામે આવતા ઓપન કટીંગ ખાણો ચાલતી જમીનો પર દંડ અથવા તો જમીન ખાલસા કરવાની કામગીરી હાથ ધરાય તેવા પણ એંધાણ નજરે પડી રહ્યા છે.
“ખાસ ખબર” દ્વારા અહેવાલ પ્રસિઘ્ધ કરતા પ્રાંત અધિકારીનો એક્શન મોડ
- Advertisement -
16 એપ્રિલના રોજ પ્રાંત અધિકારી દ્વારા સોનગઢ ખાતે કરવામાં આવેલ દરોડામાં જમીન કબજેદારોના નામો સામે નહીં આવતા “ખાસ-ખબર” દ્વારા આ મામલે અહેવાલ પ્રસિધ્ધ કર્યો હતો જે અહેવાલ પ્રાંત અધિકારીના ધ્યાને આવતા અંતે એક્શન મોડ પર આવી તાત્કાલિક ધોરણે ગેરકાયદેસર કોલસાની ઓપન કટીંગ ખાણો જે જમીનો પર ચાલતી હતી તે જમીનના કબજેદારોની યાદી જાહેર કરવામાં આવી છે.
ઓપન કટીંગ ખાણ ચાલતી જમીનોના કબજેદારોની યાદી
(1) સર્વે નંબર :-196 – વિક્રમભાઈ ઓઘડભાઇ
(2) સર્વે નંબર :- 197, 198, 201,202 જળું ભુપતભાઈ સાતાભાઈ.
