પોણા ચાર લાખનો દારૂ ભરેલા ટ્રક સાથે બે શખ્સોની ધરપકડ
ટ્રક, બાઇક સહિત 9.56 લાખનો મુદામાલ કબજે : સૂત્રધારની શોધખોળ
ખાસ-ખબર ન્યૂઝ રાજકોટ
- Advertisement -
રાજકોટમાં દારૂની હેરાફેરી ઉપર ખાસ વોચ રાખવાની સૂચના અન્વયે એલસીબી ઝોન 2ની ટીમે બાતમી આધારે જામનગર રોડ ઉપર ગાંધી સોસાયટી સામે જીઆઈડીસીમાં કટિંગ ટાણે દરોડો પાડી 3,75,174 રૂપિયાનો દારૂ બીયર ભરેલા ટ્રક સાથે બે શખ્સોને દબોચી લઈ ટ્રક, દારૂ, મોબાઈલ, બાઇક સહિત 9,55,674 રૂપિયાનો મુદામાલ કબજે કરી સૂત્રધારની શોધખોળ હાથ ધરી છે.
રાજકોટમાં દારૂની હેરાફેરી ઉપર વિશેષ વોચ રાખવા ઇન્ચાર્જ પોલીસ કમિશનર મહેન્દ્ર બગડિયા, ડીસીપી ઝોન 2 પૂજા યાદવની સૂચના અન્વયે એલસીબી ઝોન 2 પીએસઆઈ એચ આર ઝાલા, જયંતીભાઈ ગોહિલ, રાજેશભાઇ મિયાત્રા, રાહુલભાઈ ગોહેલ, શક્તિસિહ ગોહેલ, હેમેન્દ્રભાઈ વાધીયા, ધર્મરાજસિહ ઝાલા અને કુલદીપસિહ રાણા સહિતની ટીમ પેટ્રોલિંગમાં હતી દરમિયાન સ્ટાફને મળેલી બાતમી આધારે જામનગર રોડ ઉપર ગાંધી સોસાયટી સામે પેટ્રોલ પંપ નજીક જીઆઈડીસી વિસ્તારમાં રાત્રે દરોડો પાડ્યો હતો દારોડર દરમિયાન ટ્રકમાંથી દારૂ-બીયરનું કટિંગ કરી રહેલા ગાંધીગ્રામના કિશન નરેન્દ્રભાઇ પરમાર ઉ.28 અને સદગુરુ પાર્કના જય મુકેશભાઇ વાઢેર ઉ.26ને દબોચી લઈ તેની પાસેથી 3,75,174 રૂપિયાની દારૂ-બિયરની 903 બોટલ-ટીન મળી આવતા દારૂ, ટ્રક, બાઇક સહિત 9,55,674 રૂપિયાનો મુદામાલ કબજે કર્યો હતો પ્રાથમિક પૂછતાછમાં મીરાનગરના હાર્દિક ઉર્ફે હરિ નીતિનભાઈ ડોડીયાનું નામ ખૂલતાં તેની શોધખોળ હાથ ધરી છે.
