મોરબીના ફડસર ગામે મકાનમાં ધમધમતા જુગારધામ ઉપર LCBનો દરોડો, છ ઝડપાયા

ખાસ-ખબર સંવાદદાતા
મોરબી ક્રાઈમ બ્રાન્ચને બાતમી મળી હતી કે, મોરબી તાલુકાના ફડસર ગામે કિશોરચંદ્ર હેમંતલાલ નિમાવત નામનો શખ્સ પોતાના કબ્જા ભોગવટાવાળા રહેણાંક મકાનમાં બહારથી માણસો બોલાવી તીનપતીનો જુગાર રમી રમાડી સાધન સગવડ પુરી પાડી તેની અવેજમાં નાલ ઉઘરાવી જુગારનો અખાડો ચલાવે છે જે બાતમીના આધારે ફડસર ગામે એલસીબી ટીમે દરોડો પાડતાં કિશોરચંદ્ર હેમંતલાલ નિમાવત, કાદરમિયા એમદમિયા બુખારી (રહે. આમરણ), રતિલાલ ભોજાભાઇ ગજીયા (રહે. ફાટસર), ઓસમાણ હુસેનભાઇ (રહે. જુડા), નારણ મોહનભાઇ કુંભારવાડીયા (રહે. ફડસર) અને અવચર નથુભાઇ ધુમલીયા (રહે. રાજપર) ને રોકડા રૂ. 41,980 સાથે ઝડપી પાડી તાલુકા પોલીસ સ્ટેશનમાં ગુન્હો નોંધાવીને ધોરણસરની કાર્યવાહી હાથ ધરી હતી.