નિર્મલા સ્કૂલની કપાતમાં ગયેલી જમીન પ્લે ગ્રાઉન્ડ માટે અપાઈ

હાલમાં જ હાઇકોર્ટે તંત્રને આકરી ફટકાર લગાવી નોટિસ ફટકારેલી

હાઇકોર્ટની ફટકાર બાદ સ્પેશ્યલ બોર્ડ મિટિંગમાં સ્કૂલને પ્લે ગ્રાઉન્ડ માટે આપવાનો ઠરાવ મંજૂર

ખાસ-ખબર ન્યૂઝ રાજકોટ

નિર્મલા કોન્વેન્ટ સ્કૂલની કપાતમાં ગયેલી જમીન સ્કૂલને પ્લે ગ્રાઉન્ડ હેતુ માટે આપવા મામલે છેલ્લા ઘણા સમયથી ચાલતા કાનૂની જંગ અંતર્ગત તાજેતરમાં હાઇકોર્ટે મ્યુનિસિપલ કમિશનર સહિત મહાપાલિકા તંત્રને આકરી ફટકાર લગાવી કડક વલણ અખત્યાર કરી નોટિસ ફટકારતા તંત્રમાં દોડધામ મચી ગઇ હતી. દરમિયાન મહાપાલિકાની વર્તમાન બોડીની મુદ્દત પૂર્ણ થવાના એક દિવસ પૂર્વે મળેલી સ્પેશ્યલ બોર્ડ મિટિંગમાં કપાતમાં ગયેલી જમીન સ્કૂલને પ્લે ગ્રાઉન્ડ માટે આપવા પ્લાનિંગ કમિટીએ કરેલો ઠરાવ બોર્ડ સમક્ષ અર્જન્ટ બિઝનેસ દરખાસ્ત સ્વરૂપે અધ્યક્ષ સ્થાનેથી રજૂ કરી સર્વાનુમતે મંજૂર કરાઇ હતી. વિશેષમાં આ મામલે રાજકોટ મહાપાલિકાની પ્લાનિંગ કમિટીની ગત તા.28-1-2026ના રોજ મળેલી મિટિંગમાં કરાયેલો ઠરાવ સ્પેશ્યલ બોર્ડ મિટિંગમાં અરજન્ટ બિઝનેસ સ્વરૂપે રજૂ કરી સર્વાનુમતે મંજૂર કરાયો છે. પ્લાનિંગ કમિટીએ કરેલો મૂળભૂત ઠરાવ અક્ષરશ:નીચે મુજબ છે.
આખરી નગર રચના યોજના નં.1 (રાજકોટ)ના આખરી ખંડ નં.423(પ્લે ગ્રાઉન્ડ)ના ઉપયોગ માટે ફાળવવા યોજના વેરીડ કરવા અંગે મ્યુનિસિપલ કમિશનરનો પત્ર નં.24 તા.13.1.2026 લક્ષમાં લેવામાં આવે છે.
આ સંબંધમાં રિપોર્ટ કરતા કમિશનર જણાવે છે કે, રાજકોટ મહાનગરપાલિકા વિસ્તારની આખરી નગર રચના યોજના નં.1 (રાજકોટ) વર્ષ-1984 થી આખરી મંજુર છે અને જે યોજના અમલમાં છે, આખરી નગર યોજનામાં સમાવેશ થતા રે.સ.નં.457 પૈકી મૂળખંડ નં.29ને આખરી ખંડ નં.423 કે જે ઘુસાભાઇ ટપુભાઇની માલિકીનો આવેલ હતો, સદર આખરી ખંડ નં.423 સદર સ્કીમમાં સમાવેશ થતા રે.સ.નં.459 પૈકી મૂળખંડ નં.31માંથી કપાત થતી જમીનમાં ફાળવેલ હતો. આખરી નગર રચના યોજના નં.1 (રાજકોટ)ની દરખાસ્ત મુજબ મુળખંડ નં.31 નિર્મલા સોસાયટી (નિર્મલા કોન્વેન્ટ સ્કૂલ)ની માલિકી આવેલ છે. આમ, મૂળખંડ નં.31ના માલિક નિર્મલા સોસાયટી (નિર્મલા કોન્વેન્ટ સ્કૂલ) દ્વારા તેમની મૂળખંડની માલિકીની જમીનમાંથી કપાત થતી જમીન બાબતે નામદાર હાઈકોર્ટમાં પીટીશન દાખલ કરેલ હતી અને જેમાં નામદાર હાઈકોર્ટનાં મનાઈ હુકમના કારણે નગર રચના યોજનાનું અમલીકરણ થઇ શકતું ન હતું. વધુમાં આખરી ખંડ નં.423ના માલિક ઘુસાભાઈ ટપુભાઈ દ્વારા પણ નામદાર હાઈકોર્ટમાં દાવો દાખલ કરેલો. જેનાએલપીએનં.1713/2017ના હુકમ તથા શહેરી વિકાસ અને શહેરી ગૃહ નિર્માણ વિભાગના હુકમ ક્રમાંક: ટીપીએ-242021. એચસી-862-લ તા.22/12/2021ના સુચન મુજબ આખરી ખંડ નં.423ના માલિક ઘુસાભાઈ ટપુભાઈની માલિકીના મૂળખંડમાં જ ખુલ્લી જમીનમાં આખરી ખંડ ફાળવવો, તથા મૂળખંડ નં.31માંથી કપાત થતી જમીનમાં સ્કૂલ એન્ડ પ્લે ગ્રાઉન્ડ હેતુનો અનામત પ્લોટ રાખવાનો હુકમ કરતા ગુજરાત નગર રચના અને શહરી વિકાસ અધિનિયમની જોગવાઈઓને આધીન કલમ-71 હેઠળ સ્કીમને રાજકોટ મહાપાલિકા દ્વારા રાજકોટ મહાનગરપાલિકાની સામાન્ય સભા ઠરાવ નં.62 તા.19.3.2022થી દર્શાવ્યા મુજબ જરૂરી ઠરાવ કરી નગર રચના યોજના નં.1 (રાજકોટ) (પ્રથમ ફેરફાર) કરી સરકારમાં મંજુરી અર્થે સાદર કરવામાં આવેલ. અને સાદર કર્યા મુજબની દરખાસ્તને સરકાર દ્વારા વેરીડ યોજનાને મુસદારૂપ, પ્રારંભિક તથા આખરી મંજુર કરવામાં આવેલ છે અને હાલ આખરી યોજનાની દરખાસ્ત મુજબ યોજના અમલમાં છે.
વધુમાં સ્પે.સી.એ.નં.1711/2017થી નામદાર હાઇકોર્ટ તા.23/12/2021 થી દર્શાવેલ નામદાર હાઇકોર્ટના સ્પે.સી.એ.નં.1711/2017 તા.23/12/2021ના હુકમ મુજબ આખરી ખંડ નં.423 ને(સ્કુલ પ્લે ગ્રાઉન્ડ) ક્ષેત્રફળ 4,197.00 ચો.મી. પ્લોટ રાખવાના બદલે નિર્મલા સોસાયટી (નિર્મલા કોન્વેન્ટ સ્કૂલ)ને પરત આપવા જણાવેલ. પરંતુ નામદાર હાઇકોર્ટના હુકમનું ઉલ્લંઘન કરતા સ્પે.સી.એ.નં.1711/2017થી નામદાર હાઇકોર્ટ તા.24/12/2025 થી દર્શાવેલ તા.24/12/2025ના હુકમ મુજબ આખરી ખંડ નં.423 ને(સ્કુલ એન્ડ પ્લે ગ્રાઉન્ડ) ક્ષેત્રફળ 4,197,00 ચો.મી.ને રદ કરી નિર્મલા સોસાયટી(નિર્મલા કોન્વેન્ટ સ્કુલ)નેપરત આપવા તથા આગામી તા.19.1.2026 પહેલા યોજના વેરીડ અન્વયેની કાર્યવાહી કરવા રાજકોટ મહાનગરપાલિકાને જણાવેલ છે. જેમાં શરત ચૂક થયેથી કોર્ટને કોર્ટ ઓફ ક્ધટેમ્પ્ટની કાર્યવાહી હાથ ધરવામાં આવશે તેમ જણાવેલ છે.
આમ, નામદાર હાઇકોર્ટના સ્પે.સી.એ.નં.1711/2017, તા.24/12/2025ના હુકમ મુજબ આખરી નગર રચના યોજના નં.01 (રાજકોટ)(પ્રથમ ફેરફાર) મુજબના રાજકોટ મહાનગરપાલિકાને સ્કુલ એન્ડ પ્લે ગ્રાઉન્ડના અનામત હેતુ માટે પ્રાપ્ત થયેલ આખરી ખંડ નં.423ની જમીન આ સાથે સામેલ પાર્ટ પ્લાનમાં દર્શાવ્યા મુજબની તેમના મૂળખંડમાંથી કપાત થતા આખરી ખંડ નં.423ને પ્લે ગ્રાઉન્ડ રાજકોટ મહાપાલિકાની માલિકીમાંથી ફેરફાર કરી નિર્મલા સોસાયટી (નિર્મલા કોન્વેન્ટ સ્કૂલ)ને પ્લે ગ્રાઉન્ડનો ઉપયોગ માટે ફાળવવા ગુજરાત નગર રચના અને શહેરી વિકાસ અધિનિયમ-1976ની કલમ-71 હેઠળ વેરીડ કરવા જરૂરી ઠરાવ અર્થે. કમિશનરએ પ્લાનિંગ કમિટી મારફત સામાન્ય સભા સમક્ષ દરખાસ્ત રજુ કરેલ છે. કમિશનરનો ઉપરોક્ત રિપોર્ટ લક્ષમાં લેતા, આખરી નગર રચના યોજના નં.01 (રાજકોટ)ના આખરી ખંડ નં.423(પ્લે ગ્રાઉન્ડ)ના ઉપયોગ માટે ફાળવવા યોજના વેરીડ કરવાના કામે, નામદાર હાઇકોર્ટના સ્પે.સી.એ.નં.1711/2017, તા.24/12/2025ના હુકમ મુજબ આખરી નગર રચના યોજના નં.01 (રાજકોટ) (પ્રથમ ફેરફાર) મુજબના રાજકોટ મહાનગરપાલિકાને સ્કુલ એન્ડ પ્લે ગ્રાઉન્ડના અનામત હેતુ માટે પ્રાપ્ત થયેલ આખરી ખંડ નં.423ની જમીન આ સાથે સામેલ પાર્ટ પ્લાનમાં દર્શાવ્યા મુજબની તેમના મૂળખંડમાંથી કપાત થતા આખરી ખંડ નં.423ને પ્લે ગ્રાઉન્ડ રાજકોટ મહાનગરપાલિકાની માલિકીમાંથી ફેરફાર કરી નિર્મલા સોસાયટી (નિર્મલા કોન્વેન્ટ સ્કૂલ)ને પ્લે ગ્રાઉન્ડનાં ઉપયોગ માટે ફાળવવા ગુજરાત નગર રચના અને શહેરી વિકાસ અધિનિયમ-1976ની કલમ-71 હેઠળ વેરીડ કરવા આ કમિટી સામાન્ય સભાને ભલામણ કરે છે