IPLમાં વિરાટે 51મી અડધી સદી ફટકારી; ઝ20 કારકિર્દીમાં 100મી ફિફ્ટી ફટકારી
કોહલી ઉપરાંત દિનેશ કાર્તિકે 10 બોલમાં અણનમ 28 અને મહિપાલ લોમરોરે 8 બોલમાં 17 રનનું યોગદાન આપ્યું હતું
ખાસ-ખબર ન્યૂઝ બેંગલુરુ, તા.26
- Advertisement -
રોયલ ચેલેન્જર્સ બેંગલુરુ (RCB)એ ઈન્ડિયન પ્રીમિયર લીગ (IPL)-2024માં તેની પ્રથમ જીત હાંસલ કરી છે. ટીમે વર્તમાન સિઝનની છઠ્ઠી મેચમાં પંજાબ કિંગ્સ (PBKS)ને 4 વિકેટથી હરાવ્યું હતું. સોમવારે એમ ચિન્નાસ્વામી સ્ટેડિયમમાં બેંગલુરુએ 20મી ઓવરમાં 6 વિકેટે 177 રનનો ટાર્ગેટ ચેઝ કર્યો હતો. પંજાબે પ્રથમ બેટિંગ કરતા 20 ઓવરમાં 6 વિકેટે 176 રન બનાવ્યા હતા. બેંગલુરુ તરફથી ઓપનિંગ કરવા આવેલા વિરાટ કોહલીએ 49 બોલમાં 77 રનની વિસ્ફોટક ઇનિંગ રમી હતી. તેણે ઈંઙકમાં તેની 51મી અડધી સદી ફટકારી હતી. ઝ20 ક્રિકેટમાં કોહલીની આ 100મી અડધી સદી છે. આવું કરનાર તે પ્રથમ ભારતીય બેટર બન્યો છે. કોહલી ઉપરાંત દિનેશ કાર્તિકે 10 બોલમાં અણનમ 28 અને મહિપાલ લોમરોરે 8 બોલમાં 17 રનનું યોગદાન આપ્યું હતું. કાગીસો રબાડા અને હરપ્રીત બ્રારે 2-2 વિકેટ લીધી હતી. પંજાબ માટે કેપ્ટન શિખર ધવને 37 બોલમાં 45 રનની ઇનિંગ રમી હતી. જીતેશ શર્માએ 27 રન અને પ્રભસિમરન સિંહે 25 રનનું યોગદાન આપ્યું હતું. છેલ્લી ઓવરોમાં શશાંક સિંહે 8 બોલમાં અણનમ 21 રન બનાવ્યા હતા.બેંગલુરુના મોહમ્મદ સિરાજ અને ગ્લેન મેક્સવેલને 2-2 વિકેટ મળી હતી. યશ દયાલ અને અલ્ઝારી જોસેફને એક-એક વિકેટ મળી હતી.
ચાલું મેચમાં મેદાનમાં ઘુસ્યો ફેન, કોહલીને પગે લાગ્યો
બેંગલુરુ તરફથી ઓપનિંગ કરવા આવેલા વિરાટ કોહલીએ 49 બોલમાં 77 રનની વિસ્ફોટક ઇનિંગ રમી હતી. એક ફેન સ્ટેડિયમમાં ઘૂસી ગયો અને વિરાટના પગે પડવા લાગ્યો હતો. કોહલી ઉપરાંત દિનેશ કાર્તિકે 10 બોલમાં 28 રનની અણનમ ઇનિંગ રમીને અને ચોગ્ગો ફટકારીને મેચ જીતી લીધી હતી.
