કિયારા અડવાણીનો મેટ ગાલામાં ડેબ્યૂ, માતૃત્વનું પ્રતીક; અન્ય બૉલીવુડ સ્ટાર્સ પણ શાનદાર લૂકમાં ચમક્યાં

મેટ ગાલા 2025: ફેશનના ભવ્ય ફેસ્ટમાં ભારતીય સ્ટાર્સ કિયારા અડવાણી,  શાહરૂખ ખાન, અને અન્ય ઘણા લોકો ચમક્યા

કિયારાનો માતૃત્વનો મહિમા દર્શાવતો પોશાક

પ્રસિદ્ધ અભિનેત્રી કિયારા અડવાણીએ ભારતીય ડિઝાઇનર ગૌરવ ગુપ્તા દ્વારા બનાવેલા મોનોક્રોમ ગાઉનમાં મેટ ગાલામાં પ્રવેશ કર્યો હતો. આ વર્ષે તેમનો મેટ ગાલામાં ખૂબ જ અનોખો અને સુંદર અંદાજ રહ્યો હતો. ધાતુની બ્રેસ્ટપ્લેટ ધરાવતો આ પોશાક માતૃત્વનો મહિમા દર્શાવતો હતો. અભિનેત્રી કિયારા અડવાણી, જે પતિ સિદ્ધાર્થ મલ્હોત્રા સાથે પોતાના પહેલા બાળકની અપેક્ષા રાખી રહી છે, તેણે ભારતીય ડિઝાઇનર ગૌરવ ગુપ્તા દ્વારા બનાવેલા ખાસ ગાઉનમાં હૃદયસ્પર્શી લૂક સાથે મેટ ગાલામાં પ્રવેશ કર્યો.

પોશાકનું નામ ‘બ્રેવહાર્ટ્સ’

તેણીનું બ્રેવહાર્ટ્સ નામક પોશાક, ફેશન કરતાં વધુ મહત્વ દર્શાવતું હતું – તે સ્ત્રીત્વ, વંશ અને પરિવર્તનને શ્રદ્ધાંજલિ હતી. શિલ્પની ચોકસાઇ સાથે રચાયેલ, ગાઉનમાં ઘૂંઘરુ અને સ્ફટિકોથી શણગારેલું એન્ટિક સોનાનું બ્રેસ્ટપ્લેટ હતું. બે પ્રતીકાત્મક સ્વરૂપો – મધર હાર્ટ અને બેબી હાર્ટ – એક સાંકળ નાભિની દોરી દ્વારા જોડાયેલા હતા, જે માતૃત્વના બંધનને વર્ણવતા હતા. લુકને વધુ મીનિંગફુલ બનાવવા માટે, કિયારાએ ડ્રામેટિક ડબલ-પેનલવાળી કેપ પહેરી હતી. તે દિવંગત ફેશન લેજેન્ડ આન્દ્રે લિયોન ટેલીને ભાવપૂર્ણ શ્રદ્ધાંજલિ હતી. કિયારા અડવાણીએ એક કાન માટે ડેંગલર ઇયરિંગ અને બીજા કાન માટે એજી ઇયર કફ પસંદ કર્યો. તેને અમુક સ્ટેટમેન્ટ રિંગ્સ પણ પહેરી હતી. અભિનેત્રીએ તેમનાં આ શાનદાર લૂકને સોશ્યલ મીડિયામાં શૅર કર્યો છે.

થીમ 2025:  “સુપરફાઇન: ટેલરિંગ બ્લેક સ્ટાઇલ”

મેટ્રોપોલિટન મ્યુઝિયમ ઓફ આર્ટના કોસ્ચ્યુમ ઇન્સ્ટિટ્યૂટ માટે વાર્ષિક ભંડોળ ઊભું કરવાના આ કાર્યક્રમમાં સેલિબ્રિટીઓએ ભાગ લીધો હતો જેમણે આ વર્ષના સંસ્કરણની થીમ “સુપરફાઇન: ટેલરિંગ બ્લેક સ્ટાઇલ” મુજબ પોશાક પહેર્યો હતો.

બોલિવૂડના બાદશાહ શાહરૂખ ખાન કાળા સૂટમાં ચમક્યા

આ કાર્યક્રમ નિઃશંકપણે ‘બોલિવૂડના બાદશાહ’ સુપરસ્ટાર શાહરૂખ ખાનનો હતો, જેમણે મેટમાં હાજરી આપનાર પ્રથમ ભારતીય પુરુષ અભિનેતા બનવા માટેની ભવ્ય શરૂઆત કરી હતી. ખાન મેટ કાર્પેટ પર સોનાના એક્સેસરીઝ, ચાલવાની લાકડી, બ્રોચ અને K અક્ષર ધરાવતું લાંબુ પેન્ડન્ટ સાથે શાનદાર કાળા સૂટમાં ચમક્યા હતા. ખાનનો પોશાક ભારતીય ડિઝાઇનર સબ્યસાચી મુખર્જી દ્વારા બનાવવામાં આવ્યો હતો, જે બ્લુ કાર્પેટ પર ખાન સાથે જોડાયા હતા.

પ્રિયંકા ચોપરા જોનાસની મેટમાં પાંચમી વખત હાજરી 

મેટ ગાલાની ફેમસ પ્રિયંકા ચોપરા જોનાસે બ્લુ કાર્પેટ પર બાલમેઈનના ઓલિવિયર રૂસ્ટીંગ દ્વારા બનાવેલા પોલ્કા ડોટ સુટ ડ્રેસ સાથે સૌનું ધ્યાન ખેંચ્યું હતું. તેના ભવ્ય પોશાકને બલ્ગારીના ચમકતા ઉચ્ચ ઘરેણાંથી શણગારવામાં આવ્યો, જે લક્ઝરી ઇટાલિયન હાઉસ છે જેના માટે ચોપરા વૈશ્વિક રાજદૂત તરીકે સેવા આપે છે. આ સ્ટાર, તેના પતિ અને ગાયક નિક જોનાસ સાથે, મેટમાં પાંચમી વખત હાજર રહ્યા હતાં.

દિલજીત દોસાંઝ અને પ્રબલ ગુરુંગએ પણ મેટ ગાલામાં હાજરી આપી રહ્યા છે.