હોસ્પિટલમાં બિલ ચુકવતા પહેલા આટલી બાબતોનું ખાસ ધ્યાનમાં રાખજો

ઘણી વખત લોકો હોસ્પિટલના બિલ પર ધ્યાન નથી આપતા. એવામાં તેમની સાથે ફ્રોડ થવાના ચાંસ વધી જાય છે. માટે હંમેશા બિલને ધ્યાનથી વાંચવું જરૂરી છે.

હોસ્પિટલમાં એક વખત દાખલ થયા બાદ બિલનું મિટર ચાલુ થઈ જાય છે. જો હોસ્પિટલ પ્રાઈવેટ છે અને મોટી છે તો રોજ એક લાખ રૂપિયા કરતા પણ વધારે બિલ બની શકે છે. એવામાં જ્યારે ફાઈનલ બીલ ચુકવવામાં લોકોનો પરસેવો છૂટી જાય છે.

ઘણી વખત બિલમાં એડ કરેલ વસ્તુઓ પર પણ લોકો ધ્યાન નથી આપતા અને હોસ્પિટલ આજ વસ્તુઓનો ફાયદો ઉઠાવીને લોકોને લૂંટી લે છે. આજે અમે તમને એક એવી જ વસ્તુ વિશે જણાવવા જઈ રહ્યા છીએ. જેની જાણકારી હોવી તમારા માટે ખૂબ જ જરૂરી છે.

બિલ પર જરૂર આપો ધ્યાન

જ્યારે પણ તમે પોતાના કોઈ મિત્ર કે પરિવારના કોઈ લોકોને હોસ્પિટથી ડિસ્ચાર્જ કરાવો છો તો સૌથી પહેલા તમારે બિલ ક્લિયર કરવું પડે છે. બિલિંગ કાઉન્ટર પર જતા જ તમને એક લાંબુ બિલ પકડાવી દેવામાં આવે છે.

જેમાં દર્દી પર થતા ખર્ચ અને બાકી વસ્તુઓની કિંમત લખેલી હોય છે. સામાન્ય રીતે લોકો અમુક વસ્તુઓને લઈને કંફ્યૂઝ હોય છે તો પુછી લે છે પરંતુ નીચે જ્યારે ટોટલ થાય છે તો તેના પર લાગેલા જીએસટીને જોવાનું ભૂલી જાય છે. આ ભૂલ તમારે બિલકુલ પણ ન કરવી જોઈએ.

કેટલું લાગે છે GST?

ઘણી વખત હોસ્પિટલ વાળા બિલ પર વધારે GST ચાર્જ કરવામાં આવે છે. અમુક નાની હોસ્પિટલોમાં તો 18 ટકા સુધી GST વસુલ કરવામાં આવે છે. જે બિલકુલ ખોટી વાત છે. તમને એ ખબર હોવી જોઈએ કે ડોક્ટર, ડાયગ્નોસ્ટિક ટ્રીટમેન્ટ એન્ડ કેયર પર કોઈ પણ પ્રકારનું જીએસટી નથી લાગતું.

બાકીની અમુક વસ્તુઓ જેમ કે રૂમ કે પછી દવાઓ પર ફક્ત 5 ટકા જીએસટી વસુલ કરવામાં આવે છે. રૂમ પર પણ ત્યારે જ જીએસટી વસુલ કરવામાં આવે છે જ્યારે તેનો ચાર્જ દરરોજના પાંચ હજાર રૂપિયાથી વધારે હોય. હોસ્પિટલમાં ઉપયોગમાં લેવામાં આવતી અમુક વસ્તુઓ પર 12 ટકા સુધી જીએસટી લાગી શકે છે.

જો તમારી પાસે પણ GSTના નામ પર આવી લૂટ થઈ રહી છે તો તમે વિરોધ કરી શકો છો અને તરત બિલ ફરી બનાવવા માટે કહી શકો છો. તેના ઉપરાંત તમે ખોટા બિલ બનાવવાને લઈને હોસ્પિટલની ફરિયાદ પણ કરી શકો છો.