ભરશિયાળે રેઇનકોટ તૈયાર રાખજો!

ગુજરાતના વિવિધ ભાગોમાં વાતાવરણમાં પલટો આવશે

ડિસેમ્બરના બીજા વીકમાં દક્ષિણ ગુજરાતમાં હળવા વરસાદની શક્યતા

ખાસ-ખબર ન્યૂઝ રાજકોટ

ગુજરાતમાં ફૂલ ગુલાબી ઠંડીનો માહોલ જામ્યો છે, ત્યારે હવામાન નિષ્ણાંત અંબાલાલ પટેલ દ્વારા ડિસેમ્બર મહિનામાં ગુજરાતના વાતાવરણમાં પલટો આવશે અને બીજા સપ્તાહમાં દક્ષિણ ગુજરાતના ભાગોમાં હળવા વરસાદની શક્યતા વ્યક્ત કરવામાં આવી છે. જ્યારે 27 ડિસેમ્બર બાદ ગુજરાતમાં હાડ થીજવતી ઠંડીની શક્યતા છે. એટલે કે કહી શકાય કે વર્ષ 2025ની શરૂઆત ગુજરાતીઓ માટે હાડ થીજવતી ઠંડી લાવશે તથા ડિસેમ્બર મહિનાના છેલ્લા સપ્તાહમાં પણ ગુજરાતમાં શિયાળાની મજબૂત અસર વર્તાશે અને ઠંડીનું પ્રમાણ પણ વધુ રહેશે. તો બીજી તરફ હવામાન વિભાગ દ્વારા ગત નવેમ્બર માસમાં આ વર્ષે ઠંડીની શરૂઆત વિલંબ બાદ થઈ હતી, ત્યારે ડિસેમ્બર માસમાં પણ નવેમ્બર માસ જેવો જ માહોલ રહેવાની શક્યતાઓ વ્યક્ત કરવામાં આવી છે. ગત નવેમ્બર માસમાં ગુજરાતમાં વાતાવરણ અંગે અનેક ઉતાર ચઢાવ આવ્યા છે. જેમાં શરૂઆતના 15 દિવસ અત્યંત ગરમી તો ત્યાર બાદના 15 દિવસમાં ગુજરાતીઓએ ઠંડીનો અનુભવ કર્યો હતો. જ્યારે ડિસેમ્બર 2024 માટે પણ હવામાન નિષ્ણાંત અંબાલાલ પટેલે આગાહી વ્યક્ત કરી છે. જેમાં ડિસેમ્બર માસમાં પણ ગુજરાતના વિવિધ ભાગોમાં વાતાવરણમાં પલટો આવી શકે છે. ખાસ કરીને ડિસેમ્બર મહિનાના બીજા સપ્તાહની શરૂઆતના દિવસોમાં જ દક્ષિણ ગુજરાત અને દક્ષિણ સૌરાષ્ટ્રના ભાગોમાં છૂટો છવાયો હળવો વરસાદ વરસવાની શક્યતાઓ છે. આ સાથે મધ્ય ગુજરાત અને ઉત્તર સૌરાષ્ટ્રના ભાગોમાં વાદળછાયું વાતાવરણ રહેવાની શક્યતાઓ અંબાલાલ પટેલે વ્યક્ત કરી છે.

અંબાલાલ પટેલે જણાવ્યું હતું કે, આગામી 4થી 8 ડિસેમ્બર દરમિયાન અરબસાગરમાં એક ડીપ ડિપ્રેશન સર્જાઈ શખે છે. જે ઓમાન તરફ આગળ વધશે. આ ઉપરાંત સમગ્ર ડિસેમ્બર મહિના દરમિયાન એક બાદ એક વેસ્ટન ડિસ્ટર્બનની અસરને કારણે ગુજરાતના લઘુત્તમ તાપમાનમાં વધઘટ થવાની શક્યતાઓ છે. ખાસ કરીને 8થી 10 ડિસેમ્બર દરમિયાન દક્ષિણ ગુજરાત અને દક્ષિણ સૌરાષ્ટ્રના ભાગોમાં છૂટો છવાયો હળવો વરસાદ વરસવાની શક્યતાઓ છે. ઉલ્લેખનીય છે કે, તાજેતરમાં જ તમિલનાડુના દરિયાકાંઠાના વિસ્તારમાં ફ્રેંગલ વાવાઝોડાએ દસ્તક આપી હતી. જેથી પુડુચેરી અને તમિલનાડુ દરિયાકાંઠા વિસ્તારમાં અત્યંત ભારે પનવ ફૂંકાવવાની સાથે વરસાદ પણ રહ્યો હતો તથા તેનો ભેજ અરબસાગરમાં ડીપ ડિપ્રેશન સર્જી શકે છે અને તે આગળ વધતાં ઓમન તરફ ફંટાઈ શકકે છે.

જોકે, ગુજરાત પર તેની ગંભીર અસર થશે નહીં પરંતુ આગામી 16થી 20 ડિસેમ્બર દરમિયાન બંગાળની ખાડીમાં વધુ એક લો પ્રેસર સર્જાઈ શકે છે. જે દક્ષિણ પૂર્વ ભાગ તરફ ગતિ કરશે અને તેને કારણે દેશના કેટલાક ભાગોમાં ભારે પવન ફૂંકાઈ શકે છે. જ્યારે ગુજરાતની વાત કરવામાં આવે તો ગુજરાતમાં એક બાદ એક વેસ્ટર્ન ડિસ્ટર્બન્સ આવતા રહેતા હોવાથી તેની અસરને કારણે લઘુત્તમ અને મહત્તમ તાપમાનમાં વધારો ઘટાડો થઈ શકે છે. ખાસ કરીને આગામી 4 ડિસેમ્બર સુધીમાં વેસ્ટર્ન ડિસ્ટર્બન્સની અસર ગુજરાત પર રહેતા તાપમાનમાં વધારો થતાં ઠંડીનું પ્રમાણ ઘટવાની શક્યતા અંબાલાલ પટેલે વ્યક્ત કરી છે. ઉલ્લેખનીય છે કે, 22થી 27 ડિસેમ્બર દરમિયાન ગુજજરાતમાં એક શીત લહેરની અસર વર્તાશે. એટલે કે, 27 ડિસેમ્બર બાદ ગુજરાતમાં હાડ થીજવતી ઠંડીની શક્યતા છે. એટલે કે કહી શકાય કે વર્ષ 2025ની શરૂઆત ગુજરાતીઓ માટે હાડ થીજવતી ઠંડી લાવશે તથા ડિસેમ્બર મહિનાના છેલ્લા સપ્તાહમાં પણ ગુજરાતમાં શિયાળાની મજબૂત અસર વર્તાશે અને ઠંડીનું પ્રમાણ પણ વધુ રહેશે. આ ઉપરાંત ડિસેમ્બર મહિનાનું પ્રથમ પખવાડિયામાં મધ્ય ગુજરાત અને સૌરાષ્ટ્રના વિવિધ ભાગોનું લઘુત્તમ તાપમાન 15થી 18 ડિગ્રી આસપાસ રહેવાની શક્યતાઓ છે. તથા ઉત્તર ગુજરાત અને કચ્છના ભાગોમાં 12થી 13 ડિગ્રી લઘુત્તમ તાપમાન રહેવાની શક્યતાઓ છે.

તો બીજી તરફ ભારતીય હવામાન વિભાગની ડિસેમ્બર માસ માટેની આગાહી મુજબ રાજ્યના મોટાભાગના જિલ્લાઓનું લઘુત્તમ તાપમાન સામન્ય કે સામાન્યથી વધુ રહેવાની શક્યતાઓ છે. તેમાં પણ ખાસ કરીને મધ્ય ગુજરાતના ભાગોમાં લઘુત્તમ તાપમાન સામાન્યથી વધુ રહેવાની શક્યતાઓને કારણે રાત્રિ દરમિયાન ઠંડીનું જોર સામાન્ય રહેવાની શક્યતાઓ છે. જ્યારે મહત્તમ તાપમાનમાં સૌરાષ્ટ્ર કચ્છના જિલ્લાઓનું મહત્તમ તાપમાન એટલે કે, દિવસ દરમિયાનનું તાપમાન સામાન્ય કે સમાન્યથી વધુ રહેવાની શક્યતાઓને પગલે સૌરાષ્ટ્ર અને કચ્છના દરિયાકાંઠાના વિસ્તારોમાં દિવસ દરમિયાન પણ સમાન્ય ગરમીનો અનુભવ થઈ શકે છે. એટલે કહી શકાય કે, વર્ષ 2024ને ડિસેમ્બર માસમાં પણ નવેમ્બર માસની જેમ જ સમાન્ય ઠંડી રહેવાની શક્યતાઓ છે.

ઉલ્લેકનીય છે કે, ગુજરાતના ઉત્તરી ભાગમાં અને કચ્છ તથા સૌરાષ્ટ્રના ઉત્તરી બાગમાં દર વર્ષે શિયાળાની ઋતુમાં શીત લહેરની અસર વર્તાતી હોય છે. ખાસ કરીને કચ્છના રણપ્રદેશમાં શીત લહેરની અસરને કારણે હાડ થીજવતી ઠંડીનો અનુભવ થતો હોય છે, ત્યારે આ વર્ષે ભારતીય હવામાન વિભાગની આગાહી મુજબ દેશભરમાં સમાન્ય કરતાં ઓછા દિવસો માટે શીત લહેરની અસર રહશે. મુખ્યત્વે દેશમાં રાજસ્થાન અને આસપાસના રાજ્યમાં શીત લહેરની અસર વર્તાતી હોય છે. જેની અસરને પગલે કચ્છ અને ઉત્તર ગુજરાતના જિલ્લાઓમાં શીત લહેરની અસરને કારણે ઠંડીનું પ્રમાણ વધુ રહેતું હોય છે. જોકે, ગુજરાતમાં અન્ય રાજ્યની સરખામણીમાં શીત લહેરના દિવસોનું પ્રમાણ ઓછું હોય છે. એટલે કે, જો દિલ્હી, પંજાબ અને રાજસ્થાન જેવા રાજ્યમાં શીત લહેર પાંચથી છ દિવસ સુધી હોય તો ગુજરાતમાં તેની સામે ફક્ત બે કે ત્રણ દિવસ માટે જ શીત લહેરની અસર વર્તાતી હોય છે. જેમાં આ વર્ષે એટલે કે, ડિસેમ્બર 2024માં હવામાન વિભાગની આગાહી મુજબ દેશભરમાં શીત લહેરનું પ્રમાણ સમાન્ય કરતા ઓછું રહેવાની શક્યતા છે એટલે કે, ગુજરાતમાં પણ આ વર્ષે શીત લહેરની અસર ઓછી રહેશે.