કાલી પોસ્ટર વિવાદ: કેનેડાના મ્યુઝિયમે હિંદુ આસ્થાને ઠેસ પહોંચાડવા માટે માફી માંગી

• ફિલ્મ દર્શાવવામાં નહીં આવે

કાલી ડ્રોક્યુમેન્ટ્રી ફિલ્મનો પોસ્ટર વિવાદમાં સતત તેમાં વધારો થઇ રહ્યો છે. આ વિવાદ ફિલ્મ મેકર લીના મણિમેકલઇની તરફથી સોશ્યલ મીડિયા પર પોસ્ટર શેર કર્યુ ત્યારથી આ વિવાદ સામે આવ્યો છે. આ પોસ્ટરમાં હિંદુ દેવીને સિગારેટ પીતા અને એલજીબીટીનો ઝંડો જોવા મળે છે. આ વિવાદ સમગ્ર દેશમાં ચર્ચાનો વિષય બનતા અલગ-અલગ રાજયોના પોલીસ સ્ટેશનમાં ફરિયાદ દાખલ કરવામાં આવી છે. હવે આ વિવાદમાં કેનેડા મ્યુઝીયમે પણ મોટું પગલું લીધુ છે.

ફિલ્મ ડાયરેક્ટર લીના મણિમેકલાઇએ હજુ સુધી આ પોસ્ટરને લઇને માફી માંગી નથી, પરંતુ કેનેડેના જિસ મ્યુઝિયમમાં આ ફિલ્મના શો યોજાયા હતા, પરંતુ હવે મ્યુઝીયમે માફી માંગી છે, અને કહ્યું કે, હિંદુઓની આસ્થાને ઠેસ પહોંચાડાનાર ફિલ્મ દેખાડીને અમે ખોટું કર્યુ છે.

આગા ખાં મ્યુઝીયમે પોતાના નિવેદનમાં વધુમાં જણાવ્યું કે, અમને ઘણું દુ:ખ છે કે, અંડર ધ ડેડ પ્રોજેક્ટના હેઠળ મ્યુઝીયમમાં 18 શોર્ટ વિડિયોની તરફથી સોશ્યલ મીડિયા પર જાહેર થયેલ પોસ્ટરમાં હિંદુ તેમજ બીજા ધાર્મિક સમુદાયને અમે અજાણતા જ ઠેસ પહોંચાડી છે. એવામાં ફિલ્મ મ્યૂઝીયમમાં દેખાડવામાં નહીં આવે. મ્યુઝીયમનું મિશન કલાના માધ્યમથી અલગ-અલગ સાંસ્કૃતિઓની વચ્ચે સમજ અને સંવાદને વધારવાનો છે. વિવિધ ધાર્મિક અભિવ્યક્તિઓ અને આસ્થા સમુદાયોનું સમ્માન આ મિશનનું અભિન્ન અંગ છે.

ઉલ્લેખનીય છે કે, કેનેડાના આંગા ખાં મ્યુઝમની તરફથી માફી ત્યારે માંગી જયારે ભારતીય ઉચ્ચ આયોગની તરફથી આને લઇને ફરિયાદ દાખલ કરવામાં આવી. મંગળવારના જ ઓટાવા સ્થિત ભારતીય ઉચ્ચ આયોગએ કહ્યું હતુ કે, કેનેડામાં હિંદુ સમુદાયના નેતાઓ પાસેથી અમને ફરિયાદ મળી છે.