જૂનાગઢ SOG પોલીસે વધુ એક હથિયાર સાથે શખ્સની ધરપકડ

 જમાલવાડીના ઈસમ પાસેથી પિસ્ટલ અને આઠ જીવતા કાર્ટીસ મળી આવ્યા
ખાસ-ખબર સંવાદદાતા
જૂનાગઢ એસઓજી પોલીસને ગેરકાયદેસર હથિયાર ઝડપી પાડવામાં બીજી સફળતા મળી છે એસઓજી પોલીસે ત્રણ દિવસ અગાઉ વંથલી પાસેથી બસમાં મુસાફરી કરતા મધ્યપ્રદેશના એક શખ્સ પાસેથી બે હથિયારો સાથે ઝડપી લીધો હતો ત્યારે વધુ એક શખ્સ હથિયાર અને જીવતા કાર્ટીસ સાથે ઝડપી લેવમાં સફળતા મળી છે. જૂનાગઢ રેન્જ આઇજી થતા એસપી સૂચના થી જિલ્લામાં ગેરકાયદેસર હથિયાર હેરાફેરી અથવા વગર પરવાના વાળા હથિયાર રાખનાર શખ્સો સામે કડક અમલવારી કરવાના આદેશ અપાતા એસઓજી પીઆઇ એ.એમ.ગોહિલ અને સ્ટાફને મળેલી બાતમીના આધારે શહેરના જમાલવાડી વિસ્તારમાં રહેતો રિયાઝ હુશેન ઉર્ફે રિયાઝ બાપુને ભીખુમીયા સેયદ પાસેથી એક દેશી હાથ બનાવટની પિસ્ટલ અને આઠ જીવતા કાર્ટીસ જેની કિંમત રૂ.20,800 ના મુદામાલ સાથે ધરપક્કડ કરી ધોરણસર ની કાર્યવાહી હાથધરી છે.