દારૂ અને નશીલા પદાર્થનું સેવન કરનાર 23 સામે કાર્યવાહી
ખાસ-ખબર સંવાદદાતા
જૂનાગઢ રેંજ આઇજી નિલેશ જાજડીયાના માર્ગદર્શન હેઠળ પોલીસ અધિક્ષક હર્ષદ મહેતાની સુચના અનુસાર જૂનાગઢ શહેર તથા જિલ્લામાં મેગા સર્ચ ઓપરેશન ડ્રાઇવ યોજવામાં આવી હતી. જેમાં કુલ 112 ઇસમો ઝપટે ચઢતા તેની સામે કાયદેસરની કાર્યવાહી કરવામાં આવી હતી.
- Advertisement -
જૂનાગઢ શહેર તેમજ જિલ્લામાં એક ખાસ મેગા સર્ચ ઓપરેશન ડ્રાઇવ યોજાઇ હતી. આ ડ્રાઇવમાં પાનના ગલ્લા, ચાની કીટલી તેમજ ઇંડાની લારી સહિતની જગ્યાઓ પર સર્ચ ઓપરેશન હાથ ધરવામાં આવ્યુ હતુ. જેમાં દારૂ પીધેલ અને નશીલા પદાર્થનો સેવન કરનાર 23 ઇસમો ઝડપાયા હતા. જયારે 28 વાહન ચાલકો નિયમ વિરૂઘ્ધ વાહન ચલાવતા તેમજ નશો કરીને નિકળતા ઇસમો સામે કાર્યવાહી કરી હતી.
આ મેગા ડ્રાઇવથી અસામાજીક અને લુખ્ખા તત્વોમાં ફફડાટ ફેલાયો હતો.
