જૂનાગઢ માંગનાથના વેપારી પર ચાર શખ્સોનો હુમલો: સામસામી ફરિયાદ

ખાસ-ખબર સંવાદદાતા
જૂનાગઢ શહેરનાં માંગનાથ રોડ પર દુકાન ધરાવતા પરેશભાઇ કેશુભાઇ લીંબાસીયા ગતરાત્રીના પોણા બારેક વાગ્યે દુકાને હતા. ત્યારે તેના દુકાનના ઓટા બહાર માંગનાથ રોડ પર જીન્સવેરની દુકાનમાં કામ કરતો નિતીન ઉર્ફે અપ્પુ મકવાણા અને બીજા બે અજાણ્યા શખ્સો ધીંગામસ્તી કરી પરેશભાઇની મશ્કરી કરતા હતા. પરેશભાઇએ મસ્તી કરવા ના પાડતા નિતીન ઉર્ફે અપ્પુ મકવાણા અને ત્રણ અજાણ્યા શખ્સોએ ઢીકાપાટુ વડે માર મારી ધમકી આપી હતી. આ અંગે વેપારીએ ફરિયાદ નોંધાવી હતી. જયારે સામાપક્ષે નિતીન વિનોદ મકવાણાએ વેપારી પેશભાઇ સામે કાતર વડે હુમલો કરી જ્ઞાતિ પ્રત્યે અપમાનીત કર્યાની ફરિયાદ નોંધાઇ હતી.