જૂનાગઢના કલેક્ટર અનિલ રાણાવસિયાએ સહપરિવાર વહેલી સવારે કર્યું મતદાન

જિલ્લાના તમામ લોકોને મતદાન કરવા અપીલ કરી

ખાસ-ખબર ન્યૂઝ જૂનાગઢ, તા.7

જૂનાગઢ આજે લોકસભા ચૂંટણીમાં મતદાનના દિવસે જૂનાગઢ જિલ્લામાં શાંતિપૂર્ણ મતદાનનો પ્રારંભ થયો છે. મોટી સંખ્યામાં મતદારોમા પણ ઉત્સાહ પૂર્વક મતદાન કરવા મતદાન મથકોમાં આવી રહ્યા છે. મતદાન મથકો ઉપર લોકો કતારબદ્ધ જોવા મળી રહ્યા છે.

જૂનાગઢ જિલ્લા કલેકટર અને જિલ્લા ચૂંટણી અધિકારી અનિલ રાણાવાસીયાએ સહ પરિવાર વહેલી સવારે ગાંધીગ્રામ શિશુ મંગલ સંસ્થા નજીક જૂનાગઢ ઈન્ટરનેશન સ્કૂલ ખાતે મતદાન કર્યું હતું. આ તકે કલેક્ટર અનિલ રાણાવાસીયાએ જૂનાગઢ જિલ્લાના તમામ લોકોને મતદાન કરવા અપીલ કરતા કહ્યું હતું કે લોકશાહીને મજબૂત બનાવવા તથા પ્રજાના યોગ્ય પ્રતિનિધિને ચૂંટવા માટે તમામ લોકો પરિવારની સાથે ઘરની બહાર નીકળી મતદાન મથકોમાં મતદાન કરીને દેશના આ મહાપર્વમાં પોતાની સહયોગ આપીને વધારેમાં વધારે મતદાન કરે.