જમ્મુ કાશ્મીર પોલીસને આતંકી પાસેથી મળ્યો પરફ્યૂમ બોમ્બ, જાણો કેવી રીતે કામ કરે છે

જમ્મુ-કાશ્મીર પોલીસે ઘાટીમાંથી પ્રથમવાર આતંકવાદી આરિફ પાસેથી પરફ્યુમ બોમ્બ કબજે કર્યો છે. આ પરફ્યુમ IED તરીકે ઓળખાય છે. આરિફ લશ્કર-એ-તૈયબાનો આતંકવાદી છે અને નરવાલ વિસ્ફોટનો આરોપી છે. નરવાલ પહેલા તે શાસ્ત્રીનગર અને કટરા બસ બ્લાસ્ટને અંજામ આપી ચુક્યો છે. 21 જાન્યુઆરીએ નરવાલ બ્લાસ્ટમાં પરફ્યુમ IEDનો ઉપયોગ કરવામાં આવ્યો હતો. વિસ્ફોટમાં 9 લોકો ઘાયલ થયા હતા. જાણો પરફ્યુમ IED શું છે અને તે કેવી રીતે કામ કરે છે, તે પહેલા ક્યારે ચર્ચામાં આવ્યો હતો.

પરફ્યુમ IED શું છે ?

તેને સામાન્ય ભાષામાં પરફ્યુમ બોમ્બ કહેવામાં આવે છે, પરંતુ તેનું આખું નામ પરફ્યુમ ઈમ્પ્રુવાઈઝ્ડ એક્સપ્લોઝિવ ડિવાઈસ છે. વિસ્ફોટો કરવા માટે આતંકવાદીઓ અવનવી રણનીતિ અપનાવે છે. આનું પરિણામ છે પરફ્યુમ IED. તેને તૈયાર કરવા માટે તે પરફ્યુમની બોટલનો ઉપયોગ કરે છે. સામાન્ય રીતે દેખાતા બોમ્બ અથવા અન્ય વિસ્ફોટકો સરળતાથી ઓળખી શકાય છે. પરંતુ પરફ્યુમ IED વિશે લોકોમાં જાગૃતિ ઓછી છે. આતંકવાદીઓ તેનો ફાયદો ઉઠાવે છે.

Pakistan is infamous for propagating terrorism from its land and for killing hundreds of innocent people across the world. Jammu and Kashmir is on target for some time. They (Pakistan) want to create a communal divide among the people in J&K: Jammu and Kashmir DGP Dilbag Singh pic.twitter.com/VOf9nLY5j2

— ANI (@ANI) February 2, 2023

- Advertisement -

આ કેવી રીતે કામ કરે છે ?

પરફ્યુમ IED બ્લાસ્ટિંગ વિસ્ફોટક ઉપકરણ એવી રીતે ફીટ કરવામાં આવે છે કે બોટલનું ઢાંકણું દબાવતા અથવા ખોલતાની સાથે જ ઉપકરણ સક્રિય થઈ જાય છે અને વિસ્ફોટ થાય છે. આ વિસ્ફોટની અસર દૂર સુધી થાય છે, નજીકમાં હાજર લોકોને ખૂબ જ ગંભીર અસર થાય છે. બહારથી પરફ્યુમની બોટલ દેખાતી હોવાને કારણે કોઈને શંકા ન જાય અને આતંકવાદીઓ પોતાના પ્લાનમાં સફળ થાય તેવી શક્યતા વધુ છે.

માત્ર બોટલ જોઈને કહેવું મુશ્કેલ છે કે તે માત્ર પરફ્યુમ છે કે પરફ્યુમ આઈઈડી. આતંકવાદીઓ તેનો ફાયદો ઉઠાવે છે. દેશમાં આ પ્રકારનો બોમ્બ મળી આવ્યો હોય તેવો આ પહેલો કિસ્સો છે. લગભગ 12 વર્ષ પહેલા તે ચર્ચામાં આવ્યો હતો. તેના નામથી જ લોકોનું ટેન્શન વધી ગયું.