પાટણ પંથકમાંથી સગીરાને ભગાડી જનાર ઈસમ હળવદના ધનાળા પાસેથી ઝડપાયો

ખાસ-ખબર સંવાદદાતા
પાટણ જિલ્લાના સરસ્વતી પોલીસ મથકની હદમાંથી સગીરાનું અપહરણ કરીને ભગાડી જનાર શખ્સને હળવદ પોલીસની ટીમે ધનાળા નજીક સિરામિક કારખાનામાંથી ઝડપી પાડીને આગળની કાર્યવાહી અર્થે સરસ્વતી પોલીસના હવાલે કરવા તજવીજ હાથ ધરી હતી. હળવદ પોલીસ ટીમ પેટ્રોલીંગમાં હતી તે દરમિયાન પાટણ જિલ્લાના સરસ્વતી પોલીસ મથકની હદમાંથી સગીરાનું અપહરણ કરીને ભગાડી જનાર ઈસમ હળવદના ધનાળા ગામ નજીક આવેલ વેલ્વીન સિરામિક એકમમાં હોવાની બાતમી મળતા પોલીસ ટીમે દોડી જઈને તપાસ કરતા ત્યાંથી આરોપી પીન્ટુજી છગનજી ઠાકોર, રહે. ભલગામ, જી. બનાસકાંઠા તથા ભોગ બનનાર મળી આવતા પોલીસે આરોપીની પુછપરછ કરતા તેને મોટા નાયતા, ભીલોડીયાપુરા, તા. સરસ્વતી, જી.પાટણથી સગીર બાળાને ભગાડીને આવ્યો હોવાની કબુલાત આપતા હળવદ પોલીસે બંનેને હસ્તગત કરીને ધોરણસરની કાર્યવાહી હાથ ધરી હતી.