સોનમ-નવનાત વણિક ગરબાના ઉદ્દઘાટન માટે વૈષ્ણવાચાર્યને આમંત્રણ

ખાસ-ખબર ન્યૂઝ રાજકોટ

જૈન વિઝન અને વિશ્વ વણિક સામાજિક સંગઠનના સંયુક્ત ઉપક્રમે બિન વ્યવસાયિક નવરાત્રી મહોત્સવ-2024 (સોનમ – નવનાત વણિક ગરબા)નું શાનદાર આયોજન કરવામાં આવ્યું છે.આ નવરાત્રી મહોત્સવના ઉદઘાટન માટે વૈષ્ણવાચાર્ય વ્રજરાજકુમારને આમંત્રણ આપવામાં આવ્યું છે.

નવરાત્રીનાં આયોજકો જૈન વિઝનનાં સંયોજક મિલન કોઠારી, સુનિલભાઈ શાહ,ગીરીશભાઈ મહેતા, મુકેશભાઈ ધોળકિયા, અને રાજીવભાઈ ઘેલાણી શાહ, સહિતના આગેવાનો વ્રજરાજકુમાર બાવાશ્રીને રૂબરૂ મળ્યા હતા અને આ આમંત્રણ આપ્યું હતું. આયોજકોએ આ આયોજન સંપૂર્ણપણે બિનવ્યવસાયિક રીતે થઇ રહ્યું હોવાનું પણ બાવાશ્રીને જણાવ્યું હતું. આ નવરાત્રી મહોત્સવને લીધે સમાજ એક-બીજાની વધુ નજીક આવે તેવો હેતુ જાણીને પૂ.બાવાશ્રીએ ખુશી વ્યક્ત કરીને શુભેચ્છા પાઠવી હતી.