ભારતના વિદેશ મંત્રી 5 વર્ષમાં પ્રથમ વખત ચીનની મુલાકાત લેશે: રિપોર્ટ

ભારત અને ચીન વચ્ચે વ્યાપારથી લઈ સરહદ મુદે લાંબા સમયથી બની રહેલા ઠંડા સબંધોમાં ફરી એક વખત ગરમીના સંકેત છે અને પાંચ વર્ષ પછી ભારતના વિદેશ મંત્રી ચીનની મુલાકાત લેશે.

એસ. જયશંકર ચીનમાં તા.14/15 જુલાઈના યોજાનાર સાંઘાઈ કોપરેશન ઓર્ગેનાઈઝેશનના વિદેશ મંત્રીઓની બેઠકમાં હાજર રહેનાર છે. પણ તે પૂર્વે તેઓ ચીનના વિદેશ મંત્રી વાંગ યી સાથે દ્વિપક્ષી વાટાઘાટ પણ કરશે. બન્ને દેશો વચ્ચેના સંબંધોમાં લાંબા સમયથી જે રીતે અત્યંત તનાવ વચ્ચે પણ યથાવત સ્થિતિ બની રહી છે. તેનો યોગ્ય કરવા પ્રયત્ન કરશે. બન્ને દેશોના વિદેશ મંત્રી વચ્ચે ખાસ કરીને ઓપરેશન સિંદૂર સમયે જે રીતે ચીને પાકિસ્તાનને મદદ કરી હતી. તે મુદો પણ ચર્ચાશે તેવું માનવામાં આવે છે જયારે હાલમાં જ દલાઈ લામાના વારસદારના મુદે જે રીતે ભારતે આ પસંદગીમાં દલાઈ લામાનો જ નિર્ણય આખરી હશે.

તે સંકેત આપી દીધા છે તે મુદે પણ ચીન સાથે વાટાઘાટ થશે. બન્ને દેશો વચ્ચે ગલવાન અથડામણ બાદ સતત સબંધો વણસતા રહ્યા છે અને તેમાં પ્રથમ વખત વિદેશ મંત્રીની ચીન યાત્રા મહત્વની બની રહેશે. આ બાબતથી પરિચિત લોકોએ જણાવ્યું હતું કે વાંગ જુલાઈમાં ભારતના રાષ્ટ્રીય સુરક્ષા સલાહકાર અજિત ડોભાલ સાથે સરહદી મુદ્દાઓ પર ચર્ચા કરવા માટે ભારતની મુલાકાત લે તેવી પણ અપેક્ષા છે.