કતારમાં મૃત્યુદંડની સજા પામેલા નેવીના 8 પૂર્વ ઓફિસરોને મળ્યા ભારતીય રાજદૂત, કાનુની કાર્યવાહી વિશે ચર્ચા કરી

કતારમાં મૃત્યુદંડની સજા પામેલ આઠ ભૂતપૂર્વ નેવી અધિકારીઓને ભારતના રાજદૂત મળ્યા છે. અરિંદમ બાગચીએએ આ વિશે કહ્યું ‘આ એક સંવેદનશીલ મુદ્દો છે પરંતુ અમારાથી જે થઈ શકશે તે કરીશું.”

કતારમાં જાસૂસીના કથિત આરોપોમાં મૃત્યુદંડની સજા પામેલા 8 ભૂતપૂર્વ નેવી અધિકારીઓ સાથે રવિવારે ભારતીય રાજદૂતે મુલાકાત કરી હતી. વિદેશ મંત્રાલયના પ્રવક્તા અરિંદમ બાગચીએ આ વિશે માહિતી આપતા કહ્યું હતું કે “આ કેસમાં બે સુનાવણી થઈ છે. અમે પરિવારો વતી અપીલ દાખલ કરી હતી, ત્યારથી 23 અને 30 નવેમ્બરના રોજ સુનાવણી હાથ ધરવામાં આવી હતી. અમે કેસને નજીકથી ફોલો કરી રહ્યાં છીએ અને દરેક અપડેટ પર નજર રાખી રહ્યાં છીએ.

#WATCH | MEA Spokesperson Arindam Bagchi says, "You would have seen Prime Minister Modi meet Sheikh Tamim Bin Hamad, the Amir of Qatar in Dubai on the sidelines of CoP28. They've had a good conversation on the overall bilateral relationship as well as in the well-being of the… pic.twitter.com/PfcBKtKvnm

— ANI (@ANI) December 7, 2023

તમામ કાયદાકીય અને કોન્સ્યુલર મદદ પૂરી પાડવામાં આવી રહી છે
બાગચીએ વધુમાં જણાવ્યું હતું કે, “આ મામલે તમામ કાયદાકીય અને કોન્સ્યુલર સહાય પૂરી પાડવામાં આવી રહી છે. દરમિયાન અમારા રાજદૂતને જેલમાં આ તમામ 8 લોકોને મળવા માટે 3 ડિસેમ્બરે કોન્સ્યુલર એક્સેસ મળ્યો. આ એક સંવેદનશીલ મુદ્દો છે, પરંતુ તેનું પાલન કરવામાં આવી રહ્યું છે. અને અમે જે પણ શેર કરી શકીએ છીએ, અમે કરીશું.” એક અહેવાલ અનુસાર ભૂતપૂર્વ નેવી અધિકારીઓ સાથે રાજદૂતની મુલાકાતને સકારાત્મક પગલા તરીકે જોવામાં આવી છે. આગામી બેઠક ટૂંક સમયમાં યોજાશે.

COP28માં કતારના શાસક સાથે પીએમ મોદીની મુલાકાત
વડા પ્રધાન નરેન્દ્ર મોદીએ ગયા અઠવાડિયે COP28 ક્લાઇમેટ સમિટ દરમિયાન કતારના શાસક શેખ તમીમ બિન હમાદ અલ-થાની સાથે મુલાકાત કરી હતી. બેઠકમાં શું ચર્ચા થઈ તેના પર બાગચીએ કહ્યું કે કોન્ફરન્સમાં બંને દેશો વચ્ચેના એકંદર દ્વિપક્ષીય સંબંધો તેમજ ભારતીય સમુદાયની સુખાકારી માટે સારી ચર્ચા થઈ હતી. વડાપ્રધાન મોદીએ કતારના શાસક સાથે નૌકાદળનો મુદ્દો ઉઠાવ્યો તે અંગે તેમણે કોઈ નક્કર માહિતી આપી ન હતી.

On death sentence to 8 Indians in Qatar, Arindam Bagchi says "There have been 2 hearings. We filed an appeal, from the families, and the detainees had a final appeal. 2 hearings have since been held. We are closely following the matter and extending all legal and consular… pic.twitter.com/wFL5CS304Q

— Upendrra Rai (@UpendrraRai) December 7, 2023

શું છે આખો મામલો?
વાત એમ છે કે આ વર્ષે ઓક્ટોબરમાં કતાર કોર્ટે ભારતીય નૌકાદળના 8 ભૂતપૂર્વ અધિકારીઓને મૃત્યુદંડની સજા ફટકારી હતી . તેના પર કતારના સબમરીન પ્રોજેક્ટ સાથે જોડાયેલી ગુપ્ત માહિતી ઈઝરાયેલને આપવાનો આરોપ છે. કતાર સરકારે આરોપો અંગે સત્તાવાર માહિતી આપી નથી. આ તમામ અધિકારીઓ દોહા સ્થિત અલ-દહરા નામની કંપનીમાં કામ કરતા હતા, જે નેવીને ટ્રેનિંગ આપે છે. તમામ લોકોની ઓગસ્ટ 2022માં ધરપકડ કરવામાં આવી હતી.

દોષિત ભૂતપૂર્વ નેવી અધિકારીઓ કોણ છે?
દોષિત અધિકારીઓમાં કેપ્ટન નવતેજ સિંહ ગિલ, કેપ્ટન બિરેન્દ્ર કુમાર વર્મા, કમાન્ડર પૂર્ણન્દુ તિવારી, કેપ્ટન સૌરભ વશિષ્ઠ, કમાન્ડર અમિત નાગપાલ, કમાન્ડર સુગુનાકર પાકલા, કમાન્ડર સંજીવ ગુપ્તા અને નાવિક રાગેશનો સમાવેશ થાય છે. કમાન્ડર તિવારીને 2019માં રાષ્ટ્રપતિ એવોર્ડ એનાયત કરવામાં આવ્યો હતો. ધરપકડ કરાયેલા અધિકારીઓમાં તે એકમાત્ર વ્યક્તિ છે જેને આ સન્માન મળ્યું છે. કતારમાં ભૂતપૂર્વ ભારતીય રાજદૂત અને કતાર ડિફેન્સ ફોર્સિસ ઇન્ટરનેશનલ મિલિટરી કોર્પોરેશનના ભૂતપૂર્વ અધ્યક્ષ દ્વારા પણ તેમનું સન્માન કરવામાં આવ્યું હતું.