આજે ત્રીજી T20માં ભારત – ઝિમ્બાબ્વે સામસામે થશે

સીરિઝ 1 – 1થી બરાબર; વર્લ્ડ કપની ટીમમાંથી સંજુ, યશસ્વી અને શિવમ સામેલ થયા
સાંજે 4.30 કલાકથી મેચ શરૂ થશે
ખાસ-ખબર ન્યૂઝ નવી દિલ્હી

ભારત અને ઝિમ્બાબ્વે વચ્ચે રમાઈ રહેલી પાંચ મેચની ઝ20 શ્રેણી હાલમાં 1-1થી બરાબર છે. પ્રથમ મેચમાં ઝિમ્બાબ્વેએ ટીમ ઈન્ડિયાને 13 રને હરાવ્યું હતું અને ત્યારબાદ બીજી ઝ20માં ભારતીય ટીમે ઝિમ્બાબ્વેને 100 રનથી હરાવીને સ્કોર બરાબરી કરી લીધો હતો. ત્યારે આજે ત્રીજી મેચ હરારે સ્પોર્ટ્સ ગ્રાઉન્ડ પર રમાશે. સાઈ સુદર્શન, હર્ષિત રાણા અને જિતેશ શર્માને પ્રથમ 2 ટી20 માટે રિપ્લેસમેન્ટ તરીકે મોકલ્યા હતા.

પરંતુ આ ત્રણમાંથી માત્ર સાઈ સુદર્શનને બીજી ટી20માં તક મળી હતી. હવે વર્લ્ડ કપ સેલિબ્રેશન બાદ શિવમ દુબે, સંજુ સેમસન અને યશસ્વી જયસ્વાલ ટીમ સાથે જોડાયા છે.આ ઉપરાંત તેના સ્થાને સાઈ સુદર્શન, હર્ષિત અને જીતેશ પણ ટીમમાં સામેલ છે. આવી સ્થિતિમાં, કેપ્ટન શુભમન ગિલ અને કોચ વીવીએસ લક્ષ્મણ માટે પ્લેઈંગ ઈલેવનની પસંદગી કરવી બિલકુલ આસાન નથી.