વૈશ્ર્વિક રજા સૂચકાંક 2026માં ભારત ટોચ પર
દેશમાં 42 જાહેર રજા : વિયેતનામમાં સૌથી ઓછા 6 પબ્લિક હોલીડે
- Advertisement -
ખાસ-ખબર ન્યૂઝ નવી દિલ્હી, તા.16
વૈશ્વિક રજા કેલેન્ડર 2026ના તાજેતરના સૂચકાંક અનુસાર, ભારત વિશ્વના 190 દેશોમાં જાહેર રજાઓની સંખ્યામાં પ્રથમ સ્થાને રહ્યું છે. ભારત પાસે કુલ 42 જાહેર રજાઓ છે, જ્યારે વૈશ્વિક સરેરાશ માત્ર 13 દિવસ છે. આ આંકડા દર્શાવે છે કે ભારત પોતાની સંસ્કૃતિ, ધર્મ અને કાર્યજીવન વચ્ચે અનોખું સંતુલન જાળવી રાખે છે. ભારતમાં વધુ રજાઓ હોવાનો મુખ્ય આધાર તેની ધાર્મિક અને સાંસ્કૃતિક વિવિધતા છે.
ભારત એ એકમાત્ર એવો દેશ માનવામાં આવે છે જ્યાં હિન્દુ, મુસ્લિમ, ખ્રિસ્તી, શીખ, બૌદ્ધ અને જૈન સહિતના બધા મુખ્ય ધર્મોના તહેવારોને રાષ્ટ્રીય અથવા પ્રાદેશિક સ્તરે માન્યતા આપવામાં આવે છે. કેન્દ્ર સરકાર તરફથી આશરે 17 રાજપત્રિત રજાઓ જાહેર કરવામાં આવે છે. વિવિધ રાજ્યો પોતાની પરંપરા અને સ્થાનિક તહેવારોને ધ્યાનમાં રાખીને વધારાની રજાઓ જાહેર કરે છે. આ રીતે, રાષ્ટ્રીય અને રાજ્ય સ્તરની રજાઓ મળીને કુલ સંખ્યા 42 સુધી પહોંચી જાય છે. રજા સૂચકાંક મુજબ, ઘણા દેશો મુખ્ય ધાર્મિક તહેવારોને જ રાષ્ટ્રીય સ્તરે ઉજવે છે. ઉદાહરણ તરીકે, નાતાલ (ઈવશિતળિંફત) અને ઈદ માટે ઓછામાં ઓછા 52 દેશોમાં જાહેર રજાઓ છે, જેમાંથી 30થી વધુ દેશો આફ્રિકા ખંડમાં આવેલ છે. વિશ્વમાં સૌથી વધુ ઉજવાતો તહેવાર નવું વર્ષ (1 જાન્યુઆરી) છે, જે 169 દેશોમાં સત્તાવાર જાહેર રજા તરીકે માન્ય છે. ઉપરાંત, 187 દેશો પોતાના સ્વતંત્રતા દિવસ અથવા રાષ્ટ્રીય દિવસે ફરજિયાત જાહેર રજા પાળે છે. આ જ સૂચકાંક મુજબ, યુનાઇટેડ સ્ટેટ્સ જાહેર રજાઓની સંખ્યામાં વૈશ્વિક સરેરાશથી પણ નીચે છે. ત્યાં ફેડરલ સ્તરે મર્યાદિત રજાઓ જાહેર થાય છે અને ઘણીવાર ખાનગી ક્ષેત્રમાં કામકાજ ચાલુ રહે છે. વિશ્વ રજા કેલેન્ડરનું વિશ્લેષણ દર્શાવે છે કે કોઈ દેશ કેટલી રીતે પોતાની સાંસ્કૃતિક ઓળખ જાળવી રાખે છે અને સાથે સાથે આર્થિક પ્રવૃત્તિઓને અસરકારક રીતે સંચાલિત કરે છે. ભારતનો ઉદાહરણ બતાવે છે કે વૈવિધ્યપૂર્ણ સમાજમાં વિવિધ ધર્મો અને પરંપરાઓને માન્યતા આપવી શક્ય છે, જ્યારે કાર્યક્ષમતા પણ જાળવી શકાય છે. આ રીતે, 2026ના રજા સૂચકાંકમાં ભારતનું ટોચ પર આવવું તેની સાંસ્કૃતિક સમૃદ્ધિ અને સામાજિક સમાવેશની નીતિનું પ્રતિબિંબ માનવામાં આવે છે.
વિવિધ દેશમાં રજા
- Advertisement -
વિયેતનામ: 6 રજાઓ
નેધરલેન્ડ: 9 રજાઓ
મેક્સિકો: 8 રજાઓ
યુકે: 8 થી 10 બેંક રજાઓ
