બેડી યાર્ડમાં 810 ક્વિન્ટલ મગફળીની આવક, મણનો ભાવ રૂ.1230થી 1428 બોલાયો

ખાસ-ખબર સંવાદદાતા
રાજકોટ મોરબી રોડ પર આવેલ બેડી માર્કેટિંગ યાર્ડ ખાતે મગફળીની આવક શરૂ થવા પામી છે જેમાં આજે ખુલતી બજારે 810 કવીન્ટલ મગફળીની આવક થવા પામી છે. માર્કેટિંગ યાર્ડ દ્વારા જાહેર કરવામાં આવેલ યાદીમાં જણાવ્યા મુજબ આજે બજારમાં જાડી અને ઝીણી બંને પ્રકારની મગફળી આવક થવા પામી છે જેમાં 600 કવીન્ટલ જાડી અને 210 કવીન્ટ ઝીણી મગફળીની આવક થવા પામી છે. જેમાં પ્રતિ 20 કિલોગ્રામ ના ખેડૂતોને 1230 થી લઇ 1428 સુધી ઊંચા ભાવ મળ્યા છે. ઉલ્લેખનીય છે કે ધીમે ધીમે મગફળીની આવક શરૂ થતા આગામી દિવસોમાં સીંગતેલના ભાવમાં ઘટાડો થઇ શકે તેમ છે જે હાલ 2900 રૂપિયા ડબ્બો બજારમાં મળી રહ્યો છે.