ધોકડવા ગામે જિલ્લા પંચાયત પ્રમુખનાં હસ્તે નવનિર્મિત આંગણવાડી કેન્દ્રનું લોકાર્પણ

નવનિર્મિત બનેલી આંગણવાડીઓમાં ખીલી ઉઠશે બાળકોનો ખિલખિલાટ
ખાસ-ખબર ન્યૂઝ જૂનાગઢ, તા.5

ગીર સોનાથ જિલ્લા પંચાયત પ્રમુખ મંજુલાબેન મુછારનાં હસ્તે ગીર ગઢડા તાલુકાના ધોકડવા ગામમાં બે આંગણવાડી કેન્દ્રનું લોકાર્પણ કરવામાં આવ્યું હતું. જિલ્લા પંચાયત પ્રમુખએ ધોકડવા ગામનાં રણુજા વિસ્તારમાં આંગણવાડી કેન્દ્ર-2 અને નદીનાં સામાં કાઠા વિસ્તારમાં આંગણવાડી કેન્દ્ર-1નું મનરેગા હેઠળ રૂ.14 લાખ જેટલા ખર્ચે તૈયાર કરવામાં આવેલી નવનિર્મિત આંગણવાડી કેન્દ્રનું લોકાર્પણ કરીને આંગણવાડીની વ્યવસ્થાઓ સહિતની ઝીણવટભરી માહિતી મેળવી હતી.

જિલ્લા કલેકટર દિગ્વિજયસિંહ જાડેજાએ આંગણવાડીના નિર્માણ અને વ્યવસ્થાઓ અંગે રાજીપો વ્યક્ત કરતા જણાવ્યું હતું કે, આંગણવાડી કેન્દ્રમાં વધુમાં વધુ બાળકો લાભ લે અને તેની યોગ્ય જાળવણી થાય તેમ વધુમાં ઉમેર્યું હતું.