ધનતેરસ પૂર્વે લૂંટારુ ગેંગ દેહરાદુનમાં ત્રાટકી: ગ્રાહકો તરીકે આવ્યા, ગન પોઇન્ટ પર લૂંટ ચલાવી ફરાર
11 કર્મચારીઓને બંદૂકની અણીએ બંધક બનાવી ચલાવી લૂંટ
- Advertisement -
ખાસ-ખબર સંવાદદાતા
ઉત્તરાખંડ રાજય સ્થાપના દિવસ પર રાજધાની હાઈ એલર્ટ પર હતી. દરેક ખૂણે પોલીસ બંદોબસ્ત હતો. દરમિયાન, દેહરાદૂનના ટઈંઙ રાજપુર રોડ પર પોલીસ હેડક્વાર્ટર અને સચિવાલયની નજીક આવેલા રિલાયન્સ જવેલરીના શોરૂમમાં નિર્ભય બદમાશોએ દિવસે દિવસે લૂંટ ચલાવી હતી. ચાર બદમાશો શોરૂમમાં ઘુસ્યા અને એક બહાર ઊભો રહ્યો. બદમાશોએ શોરૂમના ગાર્ડ સહિત 11 કર્મચારીઓને બંદૂકની અણીએ બંધક બનાવીને 20 કરોડથી વધુની કિંમતના સોના-ચાંદીના દાગીના લૂંટી લીધા હતા.
નિર્ભય બદમાશોએ 25 મિનિટ સુધી આરામથી ત્યાં લૂંટ ચલાવી અને પછી ભરેલા બજારમાંથી બે બાઇક પર ફરાર થઈ ગયા. બદમાશોના આ કૃત્યથી સમગ્ર શહેરમાં ભયનો માહોલ છે. ઘટના બાદ પોલીસે નાકાબંધી કરી હતી, પરંતુ બદમાશો પોલીસની પહોંચથી ઘણા દૂર ગયા હતા. જજઙએ બદમાશોને પકડવા માટે ચાર ટીમો બનાવી છે.
પોલીસના જણાવ્યા અનુસાર, કર્મચારીઓએ જણાવ્યું છે કે ચાર બદમાશો અંદર ઘૂસ્યા હતા. તેમાંથી બેના હાથમાં હથિયાર હતા. બધાએ મોઢા પર માસ્ક પહેરેલા હતા. તેના માસ્કથી તેનો અડધો ચહેરો દેખાતો હતો. આ જ ફોટો સીસીટીવી ફૂટેજમાં પણ સામે આવ્યો છે. જણાવવામાં આવી રહ્યું છે કે બદમાશો બે મોટરસાઈકલ પર સવાર થઈને આવ્યા હતા. તેમાંથી એકના હાથમાં હેલ્મેટ પણ હતું. બદમાશોએ શોરૂમની અંદર કોઈ પર હુમલો કર્યો ન હતો.
સીસીટીવી કેમેરામાં દેખાતા ફૂટેજમાં બદમાશો રાજપુર રોડથી ઈન્દ્રલોક હોટલની ગલી થઈને પગપાળા શોરૂમ સુધી પહોંચ્યા હતા. શોરૂમની સામે લાગેલા સીસીટીવી કેમેરામાં બદમાશોની સ્પષ્ટ તસવીર દેખાઈ રહી છે. તેમાંથી એક તેની પીઠ પર બેગ પણ લઈને જતો હતો. પોલીસ તમામ પાસાઓને ધ્યાનમાં રાખીને તપાસ કરી રહી છે. એસએસપી અજય સિંહે નજીકની હોટલોના રજિસ્ટર તપાસવાની સૂચના પણ આપી છે.
