રાજકોટમાં રૂ. 21.43 કરોડના ખર્ચે અદ્યતન ફાયર સ્ટેશન અને સ્ટાફ ક્વાર્ટસનું ખાતમુહૂર્ત

સાંસદ પરસોતમભાઈ રૂપાલા અને ધારાસભ્ય ડો. દર્શિતા શાહના વરદહસ્તે શરૂઆત

ખાસ-ખબર ન્યૂઝ રાજકોટ, તા.28
રાજકોટ મહાનગરપાલિકા દ્વારા વોર્ડ નં. 2, બજરંગવાડી ડ્રેનેજ પમ્પીંગ સ્ટેશનની બાજુમાં, વિરલ વાટીકાની સામે નિર્માણાધિન અદ્યતન ફાયર સ્ટેશન અને સ્ટાફ ક્વાર્ટસનું ખાતમુહૂર્ત ગુરુવારે, તા. 28/08/2025 સવારે 10:00 કલાકે કરવામાં આવ્યું. આ કાર્યક્રમના વરદહસ્તમાં રાજકોટ લોકસભાના સાંસદ પરસોતમભાઈ રૂપાલા અને વિધાનસભા-69ના ધારાસભ્ય ડો. દર્શિતા શાહ ઉપસ્થિત રહ્યા. મેયર નયનાબેન પેઢડીયા આ કાર્યક્રમના અધ્યક્ષ સ્થાને ઉપસ્થિત રહી હતી.

ખાતમુહૂર્ત કાર્યક્રમમાં મેયર, ડેપ્યુટી મેયર, સ્ટેન્ડિંગ કમિટી ચેરમેન, શહેર ભાજપ પ્રમુખ, કોર્પોરેટર, વિવિધ સમિતિના પ્રમુખો અને મહાનગરપાલિકા અધિકારીઓ સહિત કુલ 50થી વધુ પદાધિકારીઓ અને આગેવાનો હાજર રહ્યા. આ કામમાં 6,808 ચો.મી. વિસ્તારમાં ૠ+7 માળનું બાંધકામ કરવામાં આવશે. ગ્રાઉન્ડ ફ્લોરમાં ફાયર સ્ટેશન, ફર્સ્ટ ફ્લોરમાં ફાયર ઓફિસર માટે ઓફિસ, સ્ટોર રૂમ અને સ્ટાફ રૂમની સુવિધા, 3 બેડ-હોલ-કિચનના 2 ફ્લેટ; સેક્ધડ ફ્લોરમાં 3 બેડ-હોલ-કિચનના 8 ફ્લેટ; અને થર્ડ ફ્લોરથી સાતમા ફ્લોર સુધી 2 બેડ-હોલ-કિચનના 40 ફ્લેટનો સમાવેશ છે. કુલ મળીને 50 ફ્લેટની સુવિધા હશે.

આ ફાયર સ્ટેશનનું નિર્માણ વોર્ડ નં. 1, 2, 3 અને 9ના આસપાસના આશરે 40,000 રહેણાંક અને કોમર્શિયલ મિલકતધારકોને ફાયર સુરક્ષા અને અદ્યતન સુવિધાનો નજીકથી લાભ આપશે.
આ યોજનાથી શહેરના ફાયર સેવાઓને મજબૂત બનાવવામાં આવશે અને આપત્તિની સ્થિતિમાં ઝડપી કામગીરી માટે અધિક સુવિધા પ્રાપ્ત થશે.