EDના UP-મુંબઈમાં 14 સ્થળે દરોડા
ખાસ-ખબર ન્યૂઝ નવી દિલ્હી
- Advertisement -
ગેરકાયદે ધર્માંતરણ અને મની લોન્ડરિંગના કેસમાં એન્ફોર્સમેન્ટ ડિરેક્ટોરેટ (ઊઉ) એ જમાલુદ્દીન ઉર્ફે છાંગુર બાબા વિરુદ્ધ મોટી કાર્યવાહી કરી છે. ગુરુવારે, ચ્ઝ એ ઉત્તર પ્રદેશના બલરામપુર અને મુંબઈમાં છાંગુર બાબા સાથે જોડાયેલા 14 સ્થળોએ દરોડા પાડ્યા. આમાં બલરામપુરમાં 12 અને મુંબઈમાં 2 સ્થળોનો સમાવેશ થાય છે. છાંગુર બાબાને વિદેશથી મળેલા 500 કરોડ રૂપિયાના ભંડોળની તપાસ ઊઉ કરી રહી છે.
ઇડીએ બલરામપુર જિલ્લાના ઉત્તરૌલા, માધુપુર ગામ અને રેહરામાફી ગામમાં 12 સ્થળોએ સર્ચ ઓપરેશન હાથ ધર્યું હતું. આ ઉપરાંત મુંબઈમાં શહજાદ શેખના બે સ્થળોએ પણ દરોડા પાડવામાં આવ્યા હતા. તપાસમાં જાણવા મળ્યું છે કે શહજાદ શેખના બેંક ખાતામાં 1 કરોડ રૂપિયા આવ્યા હતા, જે બાદમાં અન્ય ખાતાઓમાં ટ્રાન્સફર કરવામાં આવ્યા હતા. ઊઉ આ રકમનાસ્ત્રોત અને તેના ઉપયોગની તપાસ કરી રહી છે.
જમાલુદ્દીન ઉર્ફે છાંગુર બાબા પર વિદેશી ભંડોળ દ્વારા ગેરકાયદેસર ધર્માંતરણનું મોટું નેટવર્ક ચલાવવાનો આરોપ છે. ઉત્તર પ્રદેશ એન્ટી-ટેરરિઝમ સ્ક્વોડ (અઝજ)ની ફરિયાદના આધારે, ચ્ઝ એ 9 જુલાઈના રોજ મની લોન્ડરિંગ હેઠળ એન્ફોર્સમેન્ટ કેસ ઇન્ફર્મેશન રિપોર્ટ (ઊઈઈંછ) નોંધ્યો હતો. તપાસમાં જાણવા મળ્યું છે કે છાંગુર બાબાને મધ્ય પૂર્વમાંથી 40 થી વધુ બેંક ખાતાઓમાં લગભગ 106 કરોડ રૂપિયા મળ્યા હતા, જેનો ઉપયોગ ધર્માંતરણ અને અન્ય ગેરકાયદેસર પ્રવૃત્તિઓ માટે કરવામાં આવ્યો હતો.
મુંબઈમાં શહજાદ શેખના ઠેકાણાઓ પર દરોડા દરમિયાન ઊઉને મહત્વપૂર્ણ સંકેતો મળ્યા છે. શહજાદ શેખના ખાતામાં જમા કરાયેલા 1 કરોડ રૂપિયા અન્ય ખાતાઓમાં ટ્રાન્સફર થયાની માહિતીએ તપાસને નવો વળાંક આપ્યો છે. ઊઉ હવે આ વ્યવહારો પાછળના હેતુ અને શંકાસ્પદસ્ત્રોતોના તળિયે જવાનો પ્રયાસ કરી રહી છે. બલરામપુરમાં છાંગુર બાબાની ગેરકાયદેસર મિલકતો સામે કાર્યવાહી પણ તેજ કરવામાં આવી છે. માધુપુર ગામમાં આવેલી તેમની આલીશાન હવેલીને જિલ્લા વહીવટીતંત્ર દ્વારા પહેલાથી જ તોડી પાડવામાં આવી હતી. આ ઘર કથિત રીતે સરકારી જમીન પર ગેરકાયદેસર રીતે બનાવવામાં આવ્યું હતું. આ ઉપરાંત, બલરામપુર અને અન્ય વિસ્તારોમાં તેમની 100 કરોડ રૂપિયાથી વધુની સંપત્તિઓની તપાસ ચાલી રહી છે.
