– મુખ્યમંત્રી નવીન પટનાયકે દુ: ખ વ્યક્ત કર્યુ
ઓડિશાના ગંજમ જિલ્લામાં બે બસ વચ્ચે ગમખ્વાર અકસ્માતમાં 10 લોકોના મોત થયા છે અને 8 લોકો ઘાયલ થયા છે. ઈજાગ્રસ્તોને બેરહામપુરની હોસ્પિટલમાં દાખલ કરવામાં આવ્યા છે.
- Advertisement -
ઓડિશામાં ભયાનક માર્ગ અકસ્માત સર્જાયો છે. ગઈકાલે રાત્રે સર્જાયેલા બે બસ વચ્ચેના ગમખ્વાર અકસ્માતમાં 10 લોકોના મૃત્યુ થયા છે અને 8 લોકો ઈજાગ્રસ્ત થયા છે. ઈજાગ્રસ્તોને સારવાર અર્થે હોસ્પિટલમાં ખસેડવામાં આવ્યા છે. હાલ પોલીસ દ્વારા આ મામલે તપાસ શરૂ કરવામાં આવી છે.
બે બસ વચ્ચે ધડાકાભેર ટક્કર
મળતી માહિતી અનુસાર, રાયગડાથી ભુવનેશ્વર જઈ રહેલી જાનૈયાઓથી ભરેલી બસ ગઈકાલે રાત્રે દિગપહાંડીના ખેમુંડી કોલેજની પાસે એક સરકારી બસની સાથે ધડાકાભેર અથડાઈ હતી. અકસ્માતને પગલે સ્થાનિકોના ટોળેટાળા એકઠા થઈ ગયા હતા. સ્થાનિકો દ્વારા પોલીસને જાણ કરવામાં આવતા પોલીસની ટીમ અને ફાયર વિભાગની ટીમ અકસ્માત સ્થળે દોડી આવી હતી.
Odisha | 10 people died and 8 injured in a bus accident in Ganjam district, last night. Injured admitted in MKCG Medical College, Berhampur: Special Relief Commissioner, Odisha
- Advertisement -
— ANI (@ANI) June 26, 2023
ઈજાગ્રસ્તોને ખસેડાયા MKCG હોસ્પિટલમાં
પોલીસ અને ફાયરની ટીમ દ્વારા સ્થાનિકોની મદદથી બસમાં સવાર ઈજાગ્રસ્તોને બહાર કાઢવામાં આવ્યા. જે બાદ તેઓને સારવાર અર્થે તાત્કાલિક બરહામપુર MKCG હોસ્પિટલમાં દાખલ કરવામાં આવ્યા હતા. હાલ ઈજાગ્રસ્તોની હોસ્પિટલમાં સારવાર ચાલી રહી છે. આ અકસ્માતમાં 10 લોકોના કરૂણ મોત નીપજ્યાં છે. જ્યારે 8 જેટલા લોકો ઈજાગ્રસ્ત થયા છે.
Odisha | 10 people died and 8 injured in a bus accident in Ganjam district, on Sunday late night. Injured were immediately rushed to the MKCG Medical College in Berhampur for treatment.
"Two buses collided in which 10 people died. The injured were immediately admitted to MKCG… pic.twitter.com/OE3G3BhMFl
— ANI (@ANI) June 26, 2023
દુર્ઘટના પર CM નવીન પટનાયકે વ્યક્ત કર્યું દુઃખ
ન્યૂઝ એજન્સીએ ગંજમ જિલ્લાના જિલ્લા મેજિસ્ટ્રેટ દિવ્યા પરિદાને ટાંકીને જણાવ્યું હતું કે ‘બે બસની ટક્કરમાં 10 લોકોના મોત થયા હતા. 8 ઘાયલોને તાત્કાલિક MKCG મેડિકલ કોલેજમાં સારવાર માટે દાખલ કરવામાં આવ્યા હતા. મામલાની તપાસ ચાલી રહી છે. અમે ઘાયલોને તમામ શક્ય મદદ આપવાનો પ્રયાસ કરી રહ્યા છીએ.’ આ ગમખ્વાર અકસ્માત પર ઓડિશાના મુખ્યમંત્રી નવીન પટનાયકે દુઃખ વ્યક્ત કર્યું છે. તેમણે મૃતકોના પરિવારને ત્રણ-ત્રણ લાખ રૂપિયા આપવાની જાહેરાત કરી છે.
