પોરબંદરની ગુરુકુળ મહિલા કોલેજમાં હિન્દી સપ્તાહ ઉજવાયો

ખાસ-ખબર સંવાદદાતા
પોરબંદરમાં આર્ય ક્ધયા વિદ્યાલય ટ્રસ્ટ સંચાલિત ગુરુકુળ મહિલા આર્ટ્સ એન્ડ કોમર્સ કોલેજમાં હિન્દી વિભાગ દ્વારા હિન્દી દિન સંદર્ભે હિન્દી સપ્તાહનું આયોજન કરવામાં આવ્યું હતું. કાર્યક્રમનો પ્રારંભ ગુરુકુળની પરંપરા મુજબ પ્રાર્થનાથી કરવામાં આવી હતી. હિન્દી સપ્તાહ દરમ્યાન થયેલી પ્રવૃત્તિઓનો અહેવાલ આપ્યો. શબ્દોથી સ્વાગત બાદ આચાર્યએ મહેમાનનું ઉષ્મા વસ્ત્ર, સૂતમાલા તથા પુસ્તકથી અભિવાદન કર્યું. ડો. અનુપમભાઈ નાગરનાં અધ્યક્ષ સ્થાને હિન્દી સપ્તાહ ઉદ્ઘાટન સમારોહ દ્વારા હિન્દી સપ્તાહનો પ્રારંભ કરવામાં આવેલ હતો. ત્યારબાદ વિદ્યાર્થી બહેનો હિન્દીનાં કવિઓની કવિતાઓ જાણે, સમજે, કંઠસ્થ કરે અને ભાવોને સમજે તે હેતુથી 15 સપ્ટેમ્બરનાં રોજ કાવ્ય પઠન સ્પર્ધાનું આયોજન કરવામાં આવ્યું હતું.