ઉત્તરાખંડના ગૌરીકુંડમાં વરસાદે મચાવી ભારે તબાહી: ભૂસ્ખલન થતા અનેક લોકો કાટમાળામાં દટાયા

ઉત્તરાખંડમાં ફરી એકવાર ભારે મેઘમહેર વચ્ચે રૂદ્રપ્રયાગમાં કેદારનાથ યાત્રાના મુખ્ય સ્ટોપ ગૌરીકુંડમાં મોડી રાત્રે ભારે વરસાદને કારણે તબાહી મચી ગઈ હતી. અહીં પહાડી પરથી કાટમાળ પડતાં બે દુકાનો ધરાશાયી થઈ ગઈ હતી. દુર્ઘટના સમયે ઘણા લોકો દુકાનોમાં સૂતા હતા. ગૌરીકુંડના સેક્ટર ઓફિસરે જણાવ્યું કે, કાટમાળ નીચે ઘણા લોકો દટાયા છે. SDRF પાસેથી મળેલી માહિતી અનુસાર લગભગ 13 લોકો લાપતા થયા છે. જેમાં નેપાળી અને સ્થાનિક લોકોનો સમાવેશ થાય છે.

વરસાદના કારણે મંદાકિની નદીમાં ગાબડું પડ્યું છે. મીડિયા રિપોર્ટ્સ અનુસાર ભારે વરસાદને કારણે પોસ્ટલ કલ્વર્ટની સામે ભૂસ્ખલન થયું છે. મોડી રાત્રે જ એનડીઆરએફ અને એસડીઆરએફ દ્વારા બચાવ કામગીરી શરૂ કરવામાં આવી હતી. જોકે વરસાદના કારણે બચાવ કામગીરીમાં મુશ્કેલી પડી રહી છે. હવામાન વિભાગના જણાવ્યા અનુસાર રુદ્રપ્રયાગમાં દિવસભર ભારે વરસાદની આગાહી કરવામાં આવી છે. બીજી તરફ 5 ઓગસ્ટે હળવો વરસાદ અને 6 ઓગસ્ટે ફરીથી ભારે વરસાદની આગાહી કરવામાં આવી છે.

Rudraprayag, Uttarakhand | 3 shops have been damaged due to a landslide after heavy torrential rains near the Gaurikund post bridge last night. District administration team, disaster management team, police team, SDRF, NDRF and other teams are present on the spot. SP Rudraprayag,… pic.twitter.com/YooF4f3lqd

— ANI UP/Uttarakhand (@ANINewsUP) August 4, 2023

ઓરેન્જ અને યલો એલર્ટ જાહેર
હવામાન વિભાગે ઉત્તરાખંડના ઘણા વિસ્તારોમાં 6 ઓગસ્ટ સુધી ભારે વરસાદની આગાહી કરી હતી. હવામાન વિભાગે ગુરુવારે બાગેશ્વર, નૈનીતાલ અને ચંપાવત જિલ્લાઓ માટે ઓરેન્જ એલર્ટ જાહેર કર્યું હતું. તેમણે અહીં ભારે વરસાદની આગાહી કરી હતી. એલર્ટના કારણે ત્રણેય જિલ્લામાં ધોરણ 12 સુધીની શાળાઓ અને આંગણવાડી કેન્દ્રો બંધ કરી દેવામાં આવ્યા હતા. દેહરાદૂન, હરિદ્વાર, પૌરી અને ઉધમ સિંહ નગર માટે યલો એલર્ટ જાહેર કરવામાં આવ્યું હતું.

Uttarakhand | According to information received from District Administration Uttarkashi, Gangotri National Highway, 500 m ahead of Bhatwadi is closed for traffic since today morning due to falling debris. As a result, the devotees of Gangotri Dham Yatra are stranded on the route. pic.twitter.com/P6qFBLv3yB

— ANI UP/Uttarakhand (@ANINewsUP) August 3, 2023

દિલ્હી-નોઈડામાં ઝરમર વરસાદ
આ તરફ દિલ્હી અને નોઈડાના ઘણા વિસ્તારોમાં હળવા ઝરમર વરસાદ પડ્યો છે. હવામાન વિભાગે 5 ઓગસ્ટે દિલ્હીમાં મધ્યમ વરસાદ અને નોઈડામાં ભારે વરસાદની આગાહી કરી છે. હવામાનની આગાહી કરતી એજન્સી સ્કાયમેટે પણ કહ્યું હતું કે, દિલ્હી અને એનસીઆર પ્રદેશમાં વરસાદની ગતિવિધિઓ વધુ તીવ્ર બનવા જઈ રહી છે. વાસ્તવિક ચોમાસું થી 6 ઓગસ્ટની વચ્ચે દેખાશે કારણ કે રાષ્ટ્રીય રાજધાની અને તેની આસપાસના વિસ્તારોમાં થોડો વરસાદ પડશે. મધ્યમ વરસાદ દેશના ભાગોમાં થવાની સંભાવના છે. ભારે વરસાદ ખાસ કરીને 4 ઓગસ્ટ અને 6 ઓગસ્ટના રોજ હળવાથી મધ્યમ વરસાદની શક્યતા છે, ત્યારબાદ વરસાદ ધીમે ધીમે ઓછો થઈ જશે.