ખુશી એક ક્ષણમાં શોકમાં ફેરવાઈ ગઈ: રાજસ્થાનમાં ટ્રક-જીપ ટક્કરમાં દુલ્હા-દુલ્હન સહિત પાંચના મોત

ટક્કર એટલી જોરદાર હતી કે વાહનના ટુકડા થઈ ગયા
ખાસ-ખબર ન્યૂઝ નવી દિલ્હી, તા.11

બુધવારે સવારે જયપુરથી દૌસા-મનોહરપુર હાઇવે પર એક ટ્રક અને સ્ટ્રોમ જીપ વચ્ચે જોરદાર ટક્કર થઈ હતી, જેમાં ટેમ્પોમાં મુસાફરી કરી રહેલા દુલ્હા અને દુલ્હન સહિત 5 લોકોના મોત થયા હતા, જ્યારે 6 બારાતી ઘાયલ થયા હતા. ઘાયલોને નજીકની ગઈંખજ હોસ્પિટલમાં લઈ જવામાં આવ્યા છે. તેમની હાલત પણ ગંભીર હોવાનું કહેવાય છે. સ્થાનિકોના જણાવ્યા અનુસાર, બંને વાહનો સામસામે અથડાયા હતા. જીપમાં સવાર લોકો લગ્નમાં હાજરી આપીને મધ્યપ્રદેશથી પરત ફરી રહ્યા હતા. આ પેસેન્જર વાહન દૌસાથી મનોહરપુર જઈ રહ્યું હતું, ત્યારે તે સામેથી ઝડપથી આવતા કેન્ટર સાથે અથડાયું. અકસ્માત બાદ હાઇવે પર લાંબો જામ થઈ ગયો હતો અને અંધાધૂંધી સર્જાઈ હતી. ઘટનાની માહિતી મળતા જ રાયસર પોલીસ સ્ટેશન ઘટનાસ્થળે પહોંચી ગયું હતું અને રાહત અને બચાવ કાર્ય શરૂ કરવામાં આવ્યું હતું.

મૃતકો અને ઘાયલોને એમ્બ્યુલન્સની મદદથી નજીકની ગઈંખજ હોસ્પિટલમાં મોકલવામાં આવ્યા હતા. પોલીસ દ્વારા મૃતકોની ઓળખ કરવામાં આવી રહી છે. પ્રત્યક્ષદર્શીઓના જણાવ્યા અનુસાર, ટક્કર એટલી ગંભીર હતી કે વાહનના ટુકડા થઈ ગયા હતા. ઘણા લોકો વાહનની અંદર ફસાયા હતા. જેમને પોલીસ અને સ્થાનિક લોકોની મદદથી બહાર કાઢવામાં આવ્યા હતા. અકસ્માત બાદ હાઇવે પર લાંબો જામ થઈ ગયો હતો અને અંધાધૂંધી ફેલાઈ ગઈ હતી. સ્થાનિક લોકોએ તાત્કાલિક પોલીસને ઘટના અંગે જાણ કરી હતી, જેના પગલે રાયસર પોલીસ સ્ટેશન ઘટનાસ્થળે પહોંચી ગયું હતું અને રાહત અને બચાવ કાર્ય શરૂ કર્યું હતું.