રૂપિયા 30.80 કરોડના કૌભાંડમાં મુખ્ય આરોપીના રિમાન્ડ દરમિયાન ખૂલી કડી: તપાસ તેજ
ખાસ-ખબર ન્યૂઝ મોરબી, તા.2
- Advertisement -
હળવદ તાલુકામાં 138 એકર સરકારી જમીન પચાવી પાડવાના કરોડોના કૌભાંડમાં પોલીસે વધુ બે આરોપીઓની ધરપકડ કરી છે. અગાઉ પકડાયેલા મુખ્ય સૂત્રધાર રમેશ સાકરિયાની રિમાન્ડ દરમિયાન થયેલી પૂછપરછમાં ચોંકાવનારી વિગતો બહાર આવતા ધ્રાંગધ્રા પ્રાંત કચેરીના બે પટ્ટાવાળાઓની સંડોવણી ખુલ્લી છે. તપાસમાં બહાર આવ્યું છે કે, આરોપીઓએ સરકારી જમીન પોતાના નામે કરવા માટે જે બનાવટી હુકમો તૈયાર કર્યા હતા, તેના પર સિક્કા મારવામાં સરકારી કર્મચારીઓએ મદદ કરી હતી. ધ્રાંગધ્રા પ્રાંત કચેરીમાં તે સમયે ફરજ બજાવતા ગોવિંદ પોપટભાઈ કુરીયા અને મનસુખ માધાભાઈ કાંટીયાએ આ ખોટા દસ્તાવેજો પર કચેરીના અસલ રાઉન્ડ સિક્કા અને સીલ મારી આપ્યા હતા. હળવદ પીઆઈ આર.ટી. વ્યાસ અને તેમની ટીમે બંને પટ્ટાવાળાઓની ધરપકડ કરી કાયદેસરની કાર્યવાહી હાથ ધરી છે. આ કેસમાં અત્યાર સુધીમાં કુલ 7 આરોપીઓ પકડાઈ ચૂક્યા છે. હજુ પણ આ રેકેટમાં અન્ય મોટા માથાઓ કે મહેસૂલ વિભાગના અધિકારીઓની સંડોવણી છે કે કેમ તે દિશામાં પોલીસ ઉંડાણપૂર્વક તપાસ કરી રહી છે.
જમીન કૌભાંડના આરોપી
(1) રમેશભાઈ બબાભાઈ કોળી રહે કોયબા હળવદ, (મુખ્ય સુત્રધાર) (2) છગન નાગજીભાઈ ધારિયા પરમાર રહે હળવદ, (3) બીજલ અમરશીભાઈ કોળી રહે કોયબા, (4) દલાભાઈ રણછોડભાઈ ડાભી રહે મનડાસર તા. થાન, (5) દિનેશ હમીરભાઈ વનાણી, (6) રાઠોડ માવજી ટાભાભાઈ રહે બંને ઘનશ્યામપુર, (7) જશુબેન બાબુભાઈ કોળી રહે સુંદરીભવાની, (8) મંજુબેન રત્નાભાઈ કોળી રહે ઘનશ્યામપુર અને (9)વનાણી હમીરભાઈ વજુભાઈ રહે રાયસિંગપુર તા. મુળી એમ કુલ નવ આરોપીઓ વિરુદ્ધ ફરિયાદ નોંધાવી હતી.
- Advertisement -
અગાઉ ચાર આરોપીને ઝડપી લીધા હતા
(1) છગનભાઇ નાગજીભાઇ ધારીયાપરમાર જાતે-દલવાડી ઉ.વ.58 રહે-હળવદ, ગોરી દરવાજા તા.હળવદ જી.મોરબી (2) માવજીભાઇ ટાભા રાઠોડ જાતે-અનુ.જાતી ઉ.વ.59 રહે-ધનશ્યામપુર તા.હળવદ જી.મોરબી (3) હમીરભાઈ વજુભાઇ વનાણી જાતે-કોળી ઉ.વ.70રહે-રાયસંગપર(વેલાળા) તા.મુળી જી. સુરેન્દ્રનગર (4) દીનેશભાઇ હમીરભાઇ વનાણી જાતે કોળી ઉ.વ.42, રહે-રાયસંગપર(વેલાળા) તા.મુળી જી.સુરેન્દ્રનગર વાળાને ઝડપી લીધા હતા.
