મિલરે સિક્સ ફટકારીને મેચ જિતાડી, સાઈ સુદર્શને 45 રન બનાવ્યા
ખાસ-ખબર ન્યૂઝ અમદાવાદ, તા.01
ગુજરાત ટાઇટન્સએ ઈન્ડિયન પ્રીમિયર લીગ-2024માં બીજી જીત હાંસલ કરી છે. ટીમે વર્તમાન સિઝનની 12મી મેચમાં સનરાઈઝર્સ હૈદરાબાદને 7 વિકેટે હરાવ્યું હતું. રવિવારે ડબલ હેડર પૈકી રમાયેલી પ્રથમ મેચમાં અમદાવાદની મોદી સ્ટેડિયમમાં સનરાઇઝર્સ હૈદરાબાદે ટોસ જીતીને બેટિંગ કરવાનો નિર્ણય કરતાં ગુજરાતના બેટર્સે 19.1 ઓવરમાં 3 વિકેટ ગુમાવીને 20 ઓવરમાં 7 વિકેટે 163 રનનો ટાર્ગેટ ચેઝ કર્યો હતો. સાઈ સુદર્શને 36 બોલમાં 45 રનની ઇનિંગ રમી હતી જ્યારે ડેવિડ મિલરે 27 બોલમાં અણનમ 44 રન બનાવ્યા હતા.
- Advertisement -
કેપ્ટન શુભમન ગિલે 36 રન અને રિદ્ધિમાન સાહાએ 25 રનનું યોગદાન આપ્યું હતું. SRH માટે અભિષેક શર્મા અને અબ્દુલ સમદે સમાન 29-29 રન બનાવ્યા હતા. હેનરિક ક્લાસને 24 રનનું યોગદાન આપ્યું હતું. મોહિત શર્માએ ત્રણ વિકેટ ઝડપી હતી.
