બેંક, ઓટો,આઈ.ટી, સ્ટીલ સહિત તમામ ક્ષેત્રોનાં શેરોમાં ઉછાળો : બીએસઈનું માર્કેટ કેપ ફરી 410 લાખ ડોલરને આંબી ગયુ
રેસીપ્રોકેટ ટેરિફ લાગુ કરવામાં અમેરિકન પ્રમુખ ડોનાલ્ડ ટ્રમ્પની પીછેહઠ તથા 90 દિવસની મુદત આપવાના એલાનથી તેજીનો વળાંક લઈ લેનારા શેરબજાર આજે પણ ગ્રીનઝોનમાં ધમધમતું હતું સેન્સેકસમાં 1300 પોઈન્ટથી અધિકનો ઉછાળો નોંધાયો હેતો. માર્કેટ કેપ ફરી વખત 410 લાખ ડોલરને આંબી ગયુ હતું. શેરબજાર ત્રણ દિવસની લાંબી રજા બાદ આજે શરૂઆતથી જ તેજીનો ધમધમાટ હતો. માર્કેટ ગેપથી ખુલ્યુ હતું. હેવીવેઈટથી માંડીને મીડકેપ-સ્મોલકેપ સુધીનાં તમામ શેરોમાં ઓલરાઉન્ડ લેવાલીથી તેજી આગળ ધપતી રહી હતી. વિદેશી નાણા સંસ્થાઓની જંગી વેચવાલીને ડીસ્કાઉન્ટ કરવામાં આવી હતી.
- Advertisement -
નિફ્ટી 23000 ક્રોસ
નિફ્ટી50એ આજે 2 ટકાથી વધુ ઉછાળો નોંધાવી 23000નું અત્યંત મહત્ત્વની ટેકાની સપાટી ક્રોસ કરી રોકાણકારોમાં તેજીની આશાનું કિરણ દિપાવ્યું છે. 10.30 વાગ્યે નિફ્ટી 483.05 પોઈન્ટ ઉછળી 23311.60 પર ટ્રેડ થઈ રહ્યો હતો. જ્યારે સેન્સેક્સ 1590.24 પોઈન્ટના ઉછાળા સાથે 76747.50 પર ટ્રેડ થઈ રહ્યો હતો.
માર્કેટ બ્રેડ્થ પોઝિટિવ
- Advertisement -
સ્મોલકેપ અને મીડકેપમાં કમાણી
સ્મોલકેપ અને મીડકેપમાં પણ ઘણા સમય બાદ રોકાણકારોને કમાણી થતી જોવા મળી છે. આજે બીએસઈ સ્મોલકેપ ઈન્ડેક્સ 1105 પોઈન્ટ અને મીડકેપ 779.68 પોઈન્ટના ઉછાળે ટ્રેડ થઈ રહ્યો હતો. સેમીકંડક્ટર ચીપ્સ પર ટેરિફ મુદ્દે આ સપ્તાહે ટ્રમ્પ નિર્ણય લેવાના છે, જેને ધ્યાનમાં રાખતાં ઓટો શેર્સમાં પણ તેજી જોવા મળી છે. સેક્ટોરલ ઈન્ડેક્સમાં ઓટો 3.36 ટકા, રિયાલ્ટી 4.82 ટકા, કેપિટલ ગુડ્સ 3.23 ટકા, બેન્કિંગ 2.28 ટકા, ફાઈનાન્સિયલ 2.48 ટકા, ટેલિકોમ 2.12 ટકા ઉછાળે ટ્રેડ થઈ રહ્યા છે.
ટેરિફમાં 90 દિવસની રાહતથી અમેરિકા અને ભારત વચ્ચે દ્વિપક્ષીય વેપાર ઉકેલોની સંભાવના વધી
ટેરિફવૉરના કારણે અમેરિકામાં ફુગાવો વધવાની વકી સાથે ફેડ રિઝર્વનું હોકિશ વલણ
ડોલર ઈન્ડેક્સ બે વર્ષના તળિયે, યુએસ બોન્ડ માર્કેટ પણ કડડભૂસ થતાં વિદેશી રોકાણ વધવાની વકી
સ્થાનિક સ્તરે આરબીઆઈ દ્વારા ફુગાવો કાબૂમાં રહેવાની સાથે પોઝિટિવ અર્થતંત્રનો આશાવાદ
જાણીતા શેરબ્રોકરોનાં કહેવા પ્રમાણે ભારત સહિતનાં દેશોને રેસિપ્રોકલ વચ્ચે ટ્રેડવોરનું જોખમ ઉભુ છે. આ સિવાય મંદીના ભણકારા સહિતના વિપરીત કારણોની અસર નથી. વૈશ્વિક ઘટનાક્રમથરી ભારતને આર્થિક લાભ થવાના આશાવાદથી શેરબજારનું મોરલ મજબુત બની ગયુ હતું. શેરબજારમાં આજે બેંક, ઓટોમોબાઈલ્સ, આઈટી, ટેલીકોમ, સ્ટીલ સહીતનાં ક્ષેત્રોનાં શેરોમાં ઉછાળો હતો. અદાણી પોર્ટ, એકસીસ બેંક, બજાજ ફાઈનાન્સ, ભારતી એરટેલ, એચસીએલ ટેકનો, એચડીએફસી બેંક, આઈસીઆઈસીઆઈ બેંક, ઈન્ડૂસઈન્ડ બેંક, ઈન્ફોસીસ, લાર્સન, મહિન્દ્રા, મારૂતી, એનટીપીસી, રીલાયન્સ, સ્ટેટ બેંક, ટાટા મોટર્સ, ટાટા સ્ટીલ, સહીતના શેરોમા ઉછાળો હતો.
મુંબઈ શેરબજારનો સેન્સીટીવ ઈન્ડેકસ ફરી 77000 ની સપાટી હાંસલ કરવા આગેકુચ કરી રહ્યો હોય તેમ આજે 1602 પોઈન્ટના ઉછાળાથી 76760 સાંપડયો હતો તે ઉંચામાં 76907 તથા નીચામાં 76435 હતો.નેશનલ સ્ટોક એકસચેંજનો નીફટી 480 પોઈન્ટના ઉછાળાથી 23312 હતો તે ઉંચામાં 23368 તથા નીચામાં 23368 હતો.. અમેરિકાનાં ટેરીફનાં કારણે ભારત સહીત દુનિયાભરના શેરબજારોમા કેટલાંક દિવસો સુધી હલચલ રહ્યા બાદ ફરી તેજીનો માર્ગ પકડાતા ઈન્વેસ્ટરોએ રાહતના શ્વાસ લીધા છે. બીએસઈનું માર્કેટ કેપીટલાઈઝેશન આજે ફરી 410 લાખ કરોડને આંબી ગયુ હતું.
