‘બાફટા’ એવોર્ડમાં જર્મનીની ફિલ્મ ‘ઓલ કવાઈટ ઓન ધી વેસ્ટર્ન ફ્રન્ટ’ છવાઈ: સાત એવોર્ડ મળ્યા

-આયરિશ ફિલ્મ ‘ધી વેશીઝ ઓફ ઈનિશેરીને ચાર એવોર્ડ જીત્યા: બેસ્ટ ડોકયુમેન્ટરીમાં નોમિનેટેડ ભારતીય ફિલ્મ એવોર્ડ મેળવવામાં ચુકી ગઈ

-આ એવોર્ડમાં ‘નેવેલ્ની’એ બાજી મારી: રેડ કાર્પેટ પર દુનિયાભરનાં સ્ટાર્સ નજરે પડયા

બ્રિટીશ એકેડેમી ફિલ્મ પુરસ્કાર (બાફટા)ના વિજેતાઓની જાહેરાત થઈ ચુકી છે.એવોર્ડ સમારોહમાં જર્મન ફિલ્મ ઓલ કવાઈટ ઓન ધી વેસ્ટર્ન ફ્રન્ટ ફિલ્મ છવાઈ ગઈ. આ ફિલ્મે સર્વશ્રેષ્ઠ ફિલ્મ અને સર્વશ્રેષ્ઠ ડાયરેકટર સહીત સાત શ્રેણીઓમાં એવોર્ડ પોતાના નામે કર્યા હતા.

આ સિવાય ફિલ્મ ‘એલ્વિરા’ અને આયરીશ ફિલ્મ ‘ધી વેશીંઝ ઓફ ઈનિશેરીન’ને ચાર-ચાર બાફટા એવોર્ડસ મળ્યા હતા. જયારે સર્વશ્રેષ્ઠ ડોકયુમેન્ટરીની શ્રેણીમાં નોમિનેટ ભારતીય ફિલ્મ ‘ઓલ ધેટ બ્રિડસ’ બાફટા એવોર્ડ જીતવામાં ચુકી ગઈ હતી. આ શ્રેણીમાં ‘ઓલ ધેટ બ્રિડસ’નો મુકાબલો નેવલ્ની, ઓલ ધી બ્યુટી એન્ડ ધી બ્લડ શેડ, ફાયર ઓફ લવ અને મુનએજ ડે ડ્રીમ સાથે હતો.જેમાં નેવલ્લીએ બાજી મારી હતી.

આ પહેલા સાઉથ બેન્ક સેન્ટરનાં રોયલ ફેસ્ટીવલ હોલમાં આયોજીત પુરસ્કાર સમારોહમાં દુનિયાભરના અજેય સ્ટાર્સ રેડ કાર્પેટ પર નજરે પડયા હતા.

એનિમેટેડની શ્રેણીમાં ‘અવતાર’ને એવોર્ડ
બોકસ ઓફીસ પર ધુમ મચાવ્યા બાદ નિર્દેશક જેમ્સ કેમરૂનની ફિલ્મ ‘અવતાર’ ધી વે ઓફ વોટર એ બાફટા એવોર્ડમાં સર્વશ્રેષ્ઠ સ્પેશ્યલ વિઝયુઅલ ઈફેકટસનો ખિતાબ પોતાના નામે કર્યો હતો. આ ફિલ્મનો મુકાબલો ઓલ કવાઈટ ઓન ધી વેસ્ટર્ન ફસ્ટ, ધી બેટમેન એવરીથીંગ એવરીવર ઓલ એટ વન્સ અને ટોમ ક્રુઝની ‘ટોપ ગન: મેવરિક સાથે હતો.

આ લોકોએ એવોર્ડ પોતાના નામે કર્યા
– સર્વશ્રેષ્ઠ ડાયરેકટર: એડવર્ડ બર્ઝર
– સર્વશ્રેષ્ઠ સહ અભિનેતા: બૈરી કેધન
– સર્વશ્રેષ્ઠ સહ અભિનેત્રી: કેરી કોન્ડન
– સર્વશ્રેષ્ઠ કાસ્ટીંગ: એલ્વિસ
– સર્વશ્રેષ્ઠ વૃતચિત્ર: નેવલ્ની
– સર્વશ્રેષ્ઠ કોસ્ચ્યુમ ડીઝાઈન: એલ્વિસ
– સર્વશ્રેષ્ઠ સિનેમેટોગ્રાફી: ઓલ કવાઈટ ઓન ધી વેસ્ટર્ન ફ્રન્ટ