તાજેતરમાં ઈટાલીમાં G7 સમિટમાં વડાપ્રધાન મોદી હાજરી આપવા પહોંચ્યા હતા. આ દરમિયાન તેમણે ફ્રાન્સના રાષ્ટ્રપતિ ઈમેનુએલ મેક્રોન, બ્રિટનના વડાપ્રધાન ઋષિ સુનક અને યુક્રેનના રાષ્ટ્રપતિ ઝેલેન્સ્કી સાથે મુલાકાત કરી હતી. પીએમ મોદીએ વર્લ્ડ લીડર્સ સાથે દ્વિપક્ષીય બેઠકો પણ કરી હતી.
- Advertisement -
પીએમ મોદીએ G7 સમિટના બીજા દિવસે બ્રાઝિલના રાષ્ટ્રપતિ લુઈઝ ઈન્સિયો લૂલા દા સિલ્વા, તુર્કીના રાષ્ટ્રપતિ રેસેપ તૈયપ એર્દોગન અને યુએઈના રાષ્ટ્રપતિ મોહમ્મદ બિન ઝાયેદ અલ નાહયાન સાથે મુલાકાત કરી. આ દરમિયાન પીએમ મોદીએ UAEના રાષ્ટ્રપતિને ગળે લગાવ્યા.
વડાપ્રધાન મોદીએ ઈટાલીમાં G7 સમિટ દરમિયાન જાપાનના વડાપ્રધાન કિશિદા સાથે મુલાકાત કરી હતી.
- Advertisement -
G7 કોન્ફરન્સ દરમિયાન પીએમ મોદીએ યુએન સેક્રેટરી એન્ટોનિયો ગુટેરેસ સાથે મુલાકાત કરી હતી. બંને નેતાઓએ એકબીજાની શુભેચ્છાઓ ઉષ્માભેર સ્વીકારી હતી.
PM મોદીએ G7 સમિટ દરમિયાન પોપ ફ્રાન્સિસ સાથે મુલાકાત કરી હતી અને પોપને ભારત આવવાનું આમંત્રણ પણ આપ્યું હતું.
પીએમ મોદીએ બ્રિટનના વડાપ્રધાન ઋષિ સુનક સાથે મુલાકાત કરી હતી. આ પ્રસંગે પીએમ મોદીએ કહ્યું કે બ્રિટિશ પીએમને મળીને આનંદ થયો.
G7 દરમિયાન પીએમ મોદી અને અમેરિકી રાષ્ટ્રપતિ જો બિડેને એકબીજાને ગળે લગાવ્યા હતા. આ પ્રસંગે પીએમ મોદીએ કહ્યું કે રાષ્ટ્રપતિ બિડેનને મળીને હંમેશા આનંદ થાય છે. ભારત અને અમેરિકા વૈશ્વિક કલ્યાણ માટે સાથે મળીને કામ કરશે.
સમિટ દરમિયાન પીએમ મોદીએ જોર્ડનના રાજા અબ્દુલ્લા બિન અલ હુસૈન સાથે પણ મુલાકાત કરી હતી.
વૈશ્વિક નેતાઓ સાથે મુલાકાત કરતી વખતે, પીએમ મોદી ઇટાલિયન વડા પ્રધાન અને G7 સમિટના યજમાન જ્યોર્જિયા મેલોનીને મળ્યા હતા. ખાસ વાત એ છે કે મેલોનીએ ભારતીય સ્ટાઈલમાં નમસ્તે કહીને પીએમ મોદીનું સ્વાગત કર્યું હતું.
