બાન લેબ દ્વારા સરગમ સંચાલિત રામનાથપરા મુક્તિધામને શબવાહિની અર્પણ

ઉકાણી પરિવારના સ્વ. લાભુબેન ડાહ્યાભાઈ ઉકાણીના સ્મરણાર્થે કર્યું સેવાનું કામ: લોકોને વિનામૂલ્યે અપાશે

ખાસ-ખબર ન્યૂઝ રાજકોટ

બાન લેબ પરિવારના મૌલેશભાઈ ઉકાણી તથા સરગમ ક્લબના મંત્રીએ તાજેતરમાં તેમના માતુશ્રી સ્વ. લાભુબેન ડાહ્યાભાઈ ઉકાણાની સ્મરણાર્થે સરગમ ક્લબ સંચાલિત રામનાથપરા મુક્તિધામને એક અદ્યતન શબવાહિની અર્પણ કરી હતી. આ શબવાહિનીની કિંમત 20 લાખ રૂપિયા છે અને સરગમ ક્લબ દ્વારા રાજકોટવાસીઓને વિનામૂલ્યે આપવામાં આવે છે.રામનાથપરા મુક્તિધામ ખાતે મૌલેશભાઈ ઉકાણીએ સરગમ ક્લબના પ્રમુખ ગુણવંતભાઈ ડેલાવાળા અને મુક્તિધામના ઈન્ચાર્જ રમેશભાઈ અકબરીને આ શબવાહિનીની ચાવી સોંપી હતી. આ પહેલાં પણ બાન લેબ પરિવાર તરફથી આ મુક્તિધામને એક શબવાહિની આપી હતી અને રાજકોટવાસીઓને માઠા પ્રસંગે વિનામૂલ્યે આપવામાં આવે છે તેમ સરગમ ક્લબના પ્રમુખ ગુણવંતભાઈ ડેલાવાળાએ જણાવ્યું હતું.