આજથી ભારત અને ઇંગ્લેન્ડ વચ્ચે રાજકોટમાં ત્રીજી ટેસ્ટ, ક્રિકેટ ચાહકોમાં ઉત્સાહ, ‘ભારત જીતેગા’ના નારા લાગ્યા

ખાસ-ખબર સંવાદદાતા
આજથી ભારત અને ઇંગ્લેન્ડ વચ્ચે ત્રીજી મેચ રાજકોટના નિરંજન શાહ ક્રિકેટ મેદાનમાં શરૂ થઇ છે. ત્રીજી ટેસ્ટ મેચ નિહાળવા માટે મોટી સંખ્યામાં ક્રિકેટ ચાહકો સ્ટેડિયમ પહોંચ્યા હતા. ક્રિકેટ ચાહકો ભારત અને ઇંગ્લેન્ડની ટી-શર્ટમાં સજ્જ જોવા મળ્યા હતા. ચાહકો દ્વારા સ્ટેડિયમ પાસે ભારત જીતેગાના નારા લગાવવામાં આવ્યા હતા. ઇંગ્લેન્ડ સામેની ત્રીજી ટેસ્ટ મેચનો આજથી પ્રારંભ થયો છે. ભારતે પ્રથમ બેટિંગ લીધી છે. ભારતની બેટિંગ નિહાળવા માટે ક્રિકટ ચાહકો સ્ટેડિયમ પહોંચ્યા હતા. ત્રીજી ટેસ્ટને આ સિરીઝ માટે મહત્વની માનવામાં આવી રહી છે. આ મેચ નિહાળવા માટે માત્ર ભારતમાંથી જ નહીં પરંતુ ઇંગ્લેન્ડમાંથી પણ ચાહકો રાજકોટ આવી પહોંચ્યા છે.

ભારતીય બોલર અશ્વિને કારકિર્દીની 499 વિકેટ ઝડપી છે અને રાજકોટના સ્ટેડિયમમાં 500 વિકેટ મેળવવાની સિદ્ધી હાંસલ કરશે. જેને લઇને પણ ક્રિકેટ ચાહકોમાં ઉત્સાહ છે અને ચાહકો આ ઐતહાસિક સિદ્ધિના સાક્ષી બનવા માટે ક્રિકેટ સ્ટેડિયમ પહોંચ્યા છે.