યુપીના 17 જિલ્લામાં પૂર, લખનઉ-અયોધ્યામાં સ્કૂલો બંધ: પ્રયાગરાજમાં રસ્તાઓ પર હોડીઓ દોડી

MPમાં અત્યાર સુધીમાં  275 લોકોના મોત
ખાસ-ખબર ન્યૂઝ નવી દિલ્હી, તા.4

યુપીમાં પૂરથી સામાન્ય જનજીવનને ભારે અસર થઈ છે. રાજ્યના 17 જિલ્લાઓ પાણીમાં ડૂબી ગયા છે. લખનઉ, અયોધ્યા અને આંબેડકરનગરમાં ધોરણ 12 સુધીની બધી સ્કૂલો બંધ છે. છેલ્લા 24 કલાક દરમિયાન રાજ્યમાં વરસાદને કારણે 12 લોકોના મોત થયા છે. વારાણસી અને પ્રયાગરાજમાં ગંગાનું પાણી એક લાખથી વધુ ઘરોમાં ઘૂસી ગયું છે. ગંગાનું જળસ્તર ભયજનક નિશાનને પાર થઈ ગયું છે. વારાણસીના તમામ 84 ઘાટ ડૂબી ગયા છે.

પ્રયાગરાજમાં રસ્તાઓ પર હોડીઓ દોડી રહી છે. હજારો લોકો પોતાના ઘર છોડીને ચાલ્યા ગયા છે.
મધ્યપ્રદેશમાં ભારે વરસાદને કારણે ઘણા વિસ્તારોમાં નદી- નાળા છલકાઈ રહ્યા છે. 16 જૂનથી રાજ્યમાં ચોમાસાની એન્ટ્રી બાદ જુલાઈ સુધી, પૂરને કારણે થયેલા અકસ્માતોમાં 275 લોકોએ જીવ ગુમાવ્યા છે.  સરકારે વિધાનસભામાં આ આંકડા આપ્યા છે.રાજસ્થાનમાં, વરસાદ બાદ હવે ગરમી અને બફારો વધવા લાગ્યો છે. ઘણા શહેરોમાં રવિવારે તાપમાન 1 થી 6 ડિગ્રી સેલ્સિયસ સુધી વધ્યું.

જયપુર, અજમેર, જોધપુર, ઉદયપુર, કોટા વિભાગના મોટાભાગના જિલ્લાઓમાં દિવસ દરમિયાન આકાશ સ્વચ્છ રહ્યું. ભરતપુર સિવાય ક્યાંય વરસાદ પડ્યો ન હતો.રાજસ્થાનના હવામાન વિભાગે સોમવારે 5 જિલ્લામાં વરસાદ માટે યલો એલર્ટ જારી કર્યું છે.

રાજ્યના બાકીના ભાગોમાં હવામાન શુષ્ક અથવા ઝરમર વરસાદ રહેવાની ધારણા છે.
ઝાલાવાડમાં વરસાદને કારણે સ્કૂલોમાં રજાઓ 6 ઓગસ્ટ સુધી લંબાવવામાં આવી છે. રવિવારે ભરતપુર, અલવર, કરૌલીના ઘણા વિસ્તારોમાં વરસાદ પડ્યો. એક વૃદ્ધે બનાસ નદીમાં ડૂબતા બે બાળકોને બચાવ્યા, પરંતુ પોતે ડૂબી ગયા હતા.

હવામાન વિભાગે સોમવારે પંજાબમાં કોઈપણ પ્રકારની ચેતવણી જારી કરી નથી. જોકે, મંગળવારે હવામાનમાં થોડો ફેરફાર જોવા મળી શકે છે.
છેલ્લા દિવસોમાં ચોમાસું નબળું રહ્યું હતું, જેના કારણે તાપમાનમાં થોડો વધારો નોંધવામાં આવ્યો છે. નાંગલના ભાખરા ડેમ સ્ટેશન પર સૌથી વધુ તાપમાન 35.5 ઓ સે નોંધાયું હતું, જ્યારે અમૃતસરમાં 34.5 ઓ સે અને પટિયાલામાં 34.8 ઓ સે નોંધાયું હતું.સોમવારે હરિયાણાના 8 જિલ્લાઓ, યમુનાનગર, કરનાલ, પાણીપત, સોનીપત, ગુરુગ્રામ, ફરીદાબાદ, નૂહ અને પલવલમાં વરસાદ માટે યલો એલર્ટ આપવામાં આવ્યું છે. આ જિલ્લાઓમાં હળવાથી મધ્યમ વરસાદ પડી શકે છે. ઈંખઉ અનુસાર, આ ચોમાસાની ઋતુમાં અત્યાર સુધીમાં હરિયાણામાં સામાન્ય કરતા 24% વધુ વરસાદ પડ્યો છે. 3 ઓગસ્ટ સુધીમાં, સરેરાશ 221.0 મીમી વરસાદની અપેક્ષા હતી, જ્યારે 274.0 મીમી વરસાદ પડ્યો છે.