ફ્લાઈટમાં દુષ્કર્મ: લંડન જતી ફ્લાઈટમાં મહિલા પેસેન્જર સાથે દુષ્કર્મ

ઘટના સમયે તમામ મુસાફરો ઊંઘી રહ્યા
હતા.ડેઇલી મેલના અહેવાલ મુજબ પ્લેન ન્યુ જર્સીના નેવાર્કથી લંડન જઈ રહ્યું હતું. રાતોરાત ફ્લાઇટમાં મુસાફરી કરી રહેલી બ્રિટિશ મહિલાએ આરોપ લગાવ્યો છે કે એક વ્યક્તિએ તેની સાથે બળાત્કાર કર્યો હતો. પીડિતાએ જણાવ્યું કે જ્યારે પ્લેનમાં તમામ મુસાફરો સૂઈ રહ્યા હતા ત્યારે એક વ્યક્તિએ તેની સાથે રેપ કર્યો. આરોપી પણ બ્રિટનનો રહેવાસી છે. ઘટના બાદ મહિલાએ યુનાઈટેડ એરલાઈન્સના કેબિન ક્રૂને ઘટના અંગે જાણ કરી હતી.

ફ્લાઈટની ફોરેન્સિક તપાસ
યુકેના હીથ્રોમાં ફ્લાઈટ લેન્ડ થયા બાદ પોલીસ અધિકારીઓ પ્લેનમાં પહોંચ્યા અને આરોપીની ધરપકડ કરી. અધિકારીઓએ ફ્લાઇટની ફોરેન્સિક તપાસ પણ કરી હતી. પોલીસે પ્લેનના લક્ઝરી કેબિન ફિંગર પ્રિન્ટ જેવા પુરાવા એકત્ર કર્યા છે. આ ઘટના ગત સપ્તાહના સોમવારે બની હોવાનું કહેવાય છે. આરોપી અને પીડિત મહિલાની ઉંમર 40ની આસપાસ હોવાનું કહેવાય છે.

આરોપી અને પીડિતા બિઝનેસ ક્લાસમાં અલગ-અલગ સીટો પર હતા. બંને એકબીજા માટે પહેલેથી જ અજાણ હતા. ઘટના પહેલા પીડિતા અને આરોપીએ લોન્જ એરિયામાં સાથે મળીને દારૂ પીધો હતો અને બોલાચાલી કરી હતી. બ્રિટિશ પોલીસે ધરપકડની પુષ્ટિ કરી છે અને કહ્યું છે કે તપાસ હજુ ચાલુ છે.