હેપેટાઇટિસ A માટેની પ્રથમ સ્વદેશી રસી લોન્ચ: રસીની ગુણવત્તા બહુરાષ્ટ્રીય કંપનીઓની સમકક્ષ

-રસીની ગુણવત્તા બહુરાષ્ટ્રીય કંપનીઓ દ્વારા વેચવામાં આવતી રસીની સમકક્ષ

હૈદરાબાદ સ્થિત કંપની ઇન્ડિયન ઇમ્યુનોલોજિકલ લિમિટેડ (IIL) એ હેપેટાઇટિસ-A માટે દેશની પ્રથમ સ્વદેશી રસી લોન્ચ કરી છે. નેશનલ ડેરી ડેવલપમેન્ટ બોર્ડની સંલગ્ન કંપની ઇન્ડિયન ઇમ્યુનોલોજિકલ્સે જણાવ્યું હતું કે, હેવીસ્યોર રસી હેપેટાઇટિસ-એ ચેપ સામે લડવામાં સક્ષમ છે. હેપેટાઇટિસ અ એ દૂષિત પાણી અને ખોરાકને કારણે થતો વાયરલ ચેપ છે.

આઈઆઈએલના ડિરેક્ટર કે આનંદ કુમારે જણાવ્યું હતું કે, હાલમાં હેપેટાઈટિસ-એની રસી અન્ય દેશોમાંથી આયાત કરવામાં આવે છે. રસીની ક્લિનિકલ ટ્રાયલ આઠ કેન્દ્રો પર હાથ ધરવામાં આવી છે.

રસીની ગુણવત્તા બહુરાષ્ટ્રીય કંપનીઓ દ્વારા વેચવામાં આવતી રસીની સમકક્ષ છે. હેવીસ્યોર રસીના બે ડોઝની જરૂર પડશે. પ્રથમ ડોઝ 12 મહિનામાં આપવામાં આવશે જ્યારે બીજો ડોઝ પ્રથમ ડોઝના છ મહિના પછી આપવામાં આવશે.