ગુજરાતનો પ્રથમ પ્રસંગ: જૂનાગઢમાં પિતા-પુત્ર અને પૌત્રએ એક સાથે દીક્ષા લીધી

ખાસ-ખબર ન્યૂઝ  જૂનાગઢ, તા.14

જૂનાગઢ ભવનાથમાં આવેલ ગિરનાર દર્શન ધર્મશાળા ખાતે એકજ જૈન પરિવારના ત્રણ પેઢીએ સંયમ માર્ગે જવાની ઈચ્છા શક્તિ સાથે દીક્ષા લીધી હતી જેમાં મૂળ શિહોરના અને હાલ જામનગરમાં રહેતા અજિતભાઈ શાંતિલાલ શાહ તેના પુત્ર કૌશિક અજીતભાઈ શાહ અને તેના પુત્ર વિરલભાઈ કૌશિકભાઈ શાહે ભવનાથમાં એક સાથે દીક્ષા લીધી હોઈ તે પ્રસંગ ગુજરાતમાં પ્રથમ છે.

ભવનાથમાં ગિરનાર દર્શન ધર્મશાળામાં ગઈકાલ જામનગરના સમૃદ્ધ જૈન પરિવારના પિતા-પુત્ર અને પૌત્રએ એક સાથે દીક્ષા લીધી જયારે પરિવારના મહિલા સદસ્યએ સુરતમાં દીક્ષા લીધા બાદ સી.એ.ના છેલ્લા વર્ષમાં અભ્યાસ કરતો પૌત્ર વિરલભાઈ શાહ અને પિતા અને દાદાએ સંયમનો માર્ગ પસંદ કરીને ધર્મશાળાના આજીવન આયંબાલધારી અને આચાર્ય હેમવલ્લભસુરીજી મહારાજ અને આચાર્ય જગતશેખર મહારાજની નિશ્રામાં દીક્ષા મહોત્સવ સંપન્ન થયો હતો જયારે એકજ પરિવારના પિતા-પુત્ર અને પૌત્રએ દીક્ષા લીધી હોઈ તે ગુજરાતનો પ્રથમ પ્રસંગ છે તેમ જૈન સમાજના અગ્રણીઓનું કેહવું છે.આ દીક્ષા પ્રસંગે જેન સમાજના લોકો બોહળી સંખ્યમાં ઉપસ્થિત રહ્યા હતા.