બેંગલુરુના રેલ્વે સ્ટેશન પર એક્સપ્રેસ ટ્રેનના 2 ડબ્બામાં આગ લાગી: ફાયર ટીમે ભારે જહેમત બાદ કાબુ મેળવ્યો

કર્ણાટકની રાજધાની બેંગલુરુના સાંગોલી રાયન્ના રેલ્વે સ્ટેશન પર ઉદ્યાન એક્સપ્રેસમાં આગ લાગવાના સમાચાર છે. જણાવવામાં આવી રહ્યું છે કે આ દુર્ઘટનામાં કોઈ જાનહાનિ કે ઈજાના સમાચાર નથી. ટ્રેન રેલવે સ્ટેશન પર પહોંચ્યાના બે કલાક બાદ તેમાં આગ લાગી હતી. ત્યાં સુધીમાં ટ્રેનના તમામ મુસાફરો રવાના થઈ ગયા હતા. જો મુસાફરો નીચે ઉતરે તે પહેલા ટ્રેનમાં આગ લાગી ગઈ હોત તો તેમાં ઘણા લોકોના મોત થઈ શક્યા હોત.

ટ્રેનમાં આગ લાગતાની સાથે જ અનેક ફાયર ફાઈટર ઘટનાસ્થળે પહોંચી ગયા હતા અને આગ ઓલવવાનું કામ શરૂ કરવામાં આવ્યું છે. દક્ષિણ-પશ્ચિમ રેલ્વેના જણાવ્યા અનુસાર, ફાયર બ્રિગેડ અને નિષ્ણાતો હાલમાં પરિસ્થિતિનો અભ્યાસ કરી રહ્યા છે.

#WATCH | Bengaluru, Karnataka: Fire broke out in Udyan Express after it reached Sangolli Rayanna Railway Station. The incident happened 2 hours after passengers deboarded the train. No casualties or injuries. Fire engine and experts reached the spot and asserting the situation.… pic.twitter.com/laBLreFDgI

— ANI (@ANI) August 19, 2023

મળતી માહિતી મુજબ બેંગલુરુના ક્રાંતિવીર સંગોલી રાયન્ના (KSR) રેલવે સ્ટેશન પર ઉદ્યાન એક્સપ્રેસ ટ્રેનમાં આજે સવારે આગ લાગી હતી. ફાયર બ્રિગેડને તાત્કાલિક સ્થળ પર મોકલીને આગ ઓલવવાનું શરૂ કર્યું હતું. આ ટ્રેન મુંબઈથી બેંગ્લોર સ્ટેશન અને KSR રેલ્વે સ્ટેશન વચ્ચે છેલ્લું સ્ટોપેજ છે.

રેલવે અધિકારીઓના જણાવ્યા અનુસાર, મુંબઈના છત્રપતિ શિવાજી ટર્મિનસથી ઉપડેલી ટ્રેન નંબર 11301 ઉદ્યાન એક્સપ્રેસ આજે (19 ઓગસ્ટ) સવારે 5.45 વાગ્યે બેંગલુરુના KSR રેલવે સ્ટેશન પર પહોંચી હતી. સાંજે 7.10 વાગ્યાની આસપાસ ટ્રેનના કોચ B-1 અને B-2માંથી ધુમાડો નીકળતો જોવા મળ્યો હતો. તાત્કાલિક ફાયર બ્રિગેડને જાણ કરવામાં આવી હતી. ઘટનાની જાણ થતા જ ફાયર બ્રિગેડની ટીમે ઘટના સ્થળે પહોંચી આગ પર કાબુ મેળવ્યો હતો.