રાજકોટની જાણીતી ગોપાલ નમકીન ફેક્ટરીમાં ભીષણ આગ

ફાયર ફાઈટર દોડી ગયા, એક કિમી દૂર ધૂમાડાના ગોટેગોટા જોવા મળ્યા, જાનહાનીના અહેવાલ નથી

ખાસ-ખબર ન્યૂઝ રાજકોટ

રાજકોટ જિલ્લાના લોધિકા તાલુકાના મેટોડા જીઆઇડીસીમાં ગોપાલ નમકિન ફેક્ટરીમાં ભીષણ આગ લાગી છે. આથી ફાયર ફાઈટરો દોડી ગયા છે. ફાયરના સ્ટાફે આગને કાબૂમાં લેવાની કાર્યવાહી શરૂ કરી છે. આગના બનાવને કારણે ગોપાલ નમકિન ફેક્ટરીના સ્ટાફમાં અફરાતફરી મચી ગઈ છે. તેમજ લોકોના ટોળેટોળા ઉમટી પડ્યા છે. આગ એટલી વિકરાળ છે કે, ધૂમાડાના ગોટેગોટા નીકળી રહ્યા છે અને એક કિમી દૂરથી ધૂમાડા જોવા મળી રહ્યા છે. ફાયરના જવાનો દ્વારા આગ પર પાણીનો મારો ચલાવવામાં આવી રહ્યો છે. જો કે, આગ ક્યાં કારણોસર લાગી તે હજુ બહાર આવ્યું નથી. હાલ આ બનાવમાં કોઈ જાનહાનિ થઈ નહીં હોવાનો દાવો કરવામાં આવી રહ્યો છે.