ભારતીય કિસાન સંઘ દ્વારા કૃષિ રાજ્ય મંત્રીને રજૂઆત: ગ્રામ્ય કક્ષાએ નોંધણી કેન્દ્ર શરૂ કરવા માંગ
ખાસ-ખબર ન્યૂઝ મોરબી, તા.9
મોરબી જિલ્લામાં કપાસના ટેકાના ભાવે રજિસ્ટ્રેશન કરાવવા માટે ખેડૂતોને ભારે મુશ્કેલીઓનો સામનો કરવો પડી રહ્યો છે. સરકારે ’કપાસ એપ્લિકેશન’ દ્વારા જાતે નોંધણી કરવાની સૂચના આપતાં, મોટાભાગના ખેડૂતોને ટેકનોલોજીનો પૂરતો ખ્યાલ ન હોવાથી રજિસ્ટ્રેશન કરી શકતા નથી. આ સમસ્યાને લઈને ભારતીય કિસાન સંઘ, મોરબી જિલ્લા દ્વારા રાજ્યના કૃષિ મંત્રી રાઘવજીભાઈ પટેલને પત્ર લખીને રજૂઆત કરવામાં આવી છે.
- Advertisement -
ખેડૂતોને પડતી મુખ્ય મુશ્કેલીઓમાં એપ્લિકેશનનો ઉપયોગ કેવી રીતે કરવો તે અંગેની જાણકારીનો અભાવ અને માહિતી માટે કોઈ હેલ્પલાઈન નંબર ન હોવાનો સમાવેશ થાય છે. આના કારણે ખેડૂતોને વારંવાર હેરાન થવું પડે છે.
ભારતીય કિસાન સંઘે માંગ કરી છે કે, જેમ સોયાબીન, મગફળી, અડદ અને ચણા જેવી જણસીઓનું રજિસ્ટ્રેશન ગ્રામ્ય કક્ષાએ ટઈઊ (વિલેજ કોમ્પ્યુટર એન્ટરપ્રેન્યોર) દ્વારા કરવામાં આવે છે, તે જ રીતે કપાસનું રજિસ્ટ્રેશન પણ ગ્રામ પંચાયત અથવા નજીકની અઙખઈ માં નોંધણી કેન્દ્રો ફાળવીને કરવામાં આવે. આ વ્યવસ્થાથી ખેડૂતોને તેમના પોતાના ગામમાં સરળતાથી નોંધણી કરાવવામાં મદદ મળશે અને તેમની મુશ્કેલીઓનો અંત આવશે.
