સુપ્રીમ કોર્ટમાં પ્રવેશવાનો પ્રયાસ કરતી વખતે વ્યક્તિએ બોમ્બ વિસ્ફોટ કર્યો, થોડીવારમાં તેની કારનો બોમ્બ પણ બ્લાસ્ટ થયો
અધિકારીઓએ જણાવ્યું હતું કે બુધવારે બ્રાઝિલની સુપ્રીમ કોર્ટમાં પ્રવેશવાનો પ્રયાસ કરતી વખતે એક વ્યક્તિએ બોમ્બ વડે પોતાની જાતને ઉડાવી દીધી હતી.
આ હુમલો એવાં સમયે થયો છે જ્યારે બ્રાઝિલમાં જી 20 કોન્ફરન્સની તૈયારીઓ અંતિમ તબક્કામાં છે. જેમાં વિશ્વની 20 મોટી અર્થવ્યવસ્થાઓના નેતાઓ ભાગ લેશે. ચીનનાં રાષ્ટ્રપતિ શી જિનપિંગ પણ ટૂંક સમયમાં બ્રાઝિલની મુલાકાતે જવાનાં છે. આ ઘટના બુધવારે સાંજે બની હતી, જ્યારે કોર્ટ બિલ્ડિંગ પાસે પાર્કિંગમાં વિસ્ફોટ થયો હતો. થોડી સેક્ધડો બાદ સુપ્રીમ કોર્ટની સામે બીજો વિસ્ફોટ થયો હતો. તપાસ દરમિયાન સ્થળ પરથી એક મૃત વ્યક્તિ મળી આવ્યો હતો.
- Advertisement -
વિસ્ફોટો પ્લાઝા ઓફ થ્રી પાવર્સની આસપાસ થયાં હતાં, જે બ્રાઝિલિયામાં બ્રાઝિલની ફેડરલ સરકારની ત્રણ શાખાઓની મુખ્ય ઇમારતોને જોડે છે. એવું માનવામાં આવે છે કે શંકાસ્પદ આરોપીઓ સુપ્રીમ કોર્ટની ઇમારતને નુકસાન પહોંચાડવા માંગતાં હતાં. પોલીસે બ્રાઝિલની રાજધાનીના મધ્યમાં વિસ્ફોટકો શોધનાર રોબોટ સાથે બોમ્બ સ્ક્વોડ તૈનાત કરી છે અને ઘટનાની તપાસ કરી રહી છે. જ્યારે વિસ્ફોટ થયો ત્યારે સુપ્રીમ કોર્ટનાં ન્યાયાધીશોએ તેમનું સત્ર પૂરું કર્યું હતું. તેમને તાત્કાલિક સલામત સ્થળે ખસેડવામાં આવ્યાં હતાં. ફેડરલ ડિસ્ટ્રિક્ટના વાઈસ ગવર્નર સેલિના લીઓએ જણાવ્યું હતું કે પ્રાથમિક તપાસમાં જાણવા મળ્યું છે કે વ્યક્તિએ સુપ્રીમ કોર્ટમાં પ્રવેશવાનો પ્રયાસ કરતી વખતે તેનાં વિસ્ફોટકોમાં વિસ્ફોટ કર્યો હતો.
તેણે કહ્યું કે તેની પાસે એક કાર હતી જેમાં બીજો વિસ્ફોટ થયો હતો. લીઓએ કહ્યું કે તેને આશા છે કે તે ’એકલો હુમલાખોર હતો. હજુ સુધી મૃતકની ઓળખ થઈ શકી નથી.
