દર પાંચમા દર્દીને ખબર નથી કે બીપી કેમ માપવુ: દિલ્હી એમ્સ દ્વારા ખુલાસો

દિલ્હી એમ્સ દ્વારા થયેલા અભ્યાસમાં ખુલાસો : બીપીના 120/80 રીડીંગને સામાન્ય મનાય છે

બ્લડ પ્રેસરની સમસ્યાનો સામનો કરનારા લગભગ દર પાંચમા દર્દીને એ નથી ખબર કે બીપી માપતી વખતે અને તેના પહેલા કંઈ બાબતોનું ધ્યાન રાખવુ જોઈએ આ ખુલાસો દિલ્હી એમ્સ દ્વારા કરવામાં આવેલા એક અભ્યાસમાં થયો છે. તેમાં હાઈ બ્લડ પ્રેસરથી પીડાતી 2750 દર્દીઓ પર અધ્યયન કરવામાં આવ્યું હતું. તેમાં માત્ર 18 ટકા લોકો જ પોતાના ઘેર બીપી માપી શકતા હતા.

અધ્યયનમાં બહાર આવ્યું હતું કે, 60 ટકા દર્દીઓ અને તેમના પરિચીતોએ જ સીધા બેસી બીપી માપવાની વાત સ્વીકારી હતી. 34 ટકા દર્દીઓએ માન્યુ કે બીપી માપતી વખતે તેઓ મશીનના કફને હાથની બાહુમાં રાખતા જ નહોતા માત્ર એક ટકો દર્દી જ એ જાણતા હતા કે તેમની એ બાજુની બાંય રીડીંગને બીપી માનવામાં આવે છે જે વધારે હોય છે. અડધા જેટલા દર્દીઓને એ ખબર નહોતી કે બીપી માપતા પહેલા ચા કે કોફી પણ ન પીવી જોઈએ.

આટલી ભુલો ન કરો:
બીપી માપવાના અડધા કલાક પહેલા ચા, કોફી, શરાબ, તમાકુનુ સેવન બિલકુલ ન કરો. બીપી માપવાના પાંચ મીનીટ પહેલા શાંત રહો, મોબાઈલને દુર રાખો, યુરપીટી બ્લેન્ડર ખાલી હોય જેથી પેશાબ કરવાથી દબાણ ન રહે.

માપતી વખતે આ સાવધાની રાખો:
બાંય પરથી કપડુ હટાવી લો, એક મીનીટનાં અંતરાલ બાદ બન્ને બાજુનુ રીડીંગ લો, જે રીડીંગ વધુ આવે તેને બીપી માનો પગની આંટી ન વાળવી, હાથને સમતલ સપાટી પર રાખો. બીપી મશીનનાં કફનો ભાગ હાથના ઉપરી ભાગના વચ્ચે એવી રીતે રાખો કે તેની ઉંચાઈ હૃદયની બરાબર હોય.