એલન મસ્કે રચ્યો ઇતિહાસ: નેટવર્થનો આંકડો પહોંચ્યો 400 બિલિયન ડૉલરને પાર

સ્પેસએક્સમાં શેર ડીલ બાદ એલન મસ્કની સંપત્તિમાં અચાનક 50 બિલિયન ડૉલરનો વધારો થયો છે

સ્પેસએક્સમાં શેર ડીલ બાદ એલન મસ્કની સંપત્તિમાં અચાનક 50 બિલિયન ડૉલરનો વધારો થયો છે, જેના કારણે તેમની નેટવર્થ 450 બિલિયન ડૉલરની નજીક પહોંચી ગઈ છે.

ટેસ્લાના વડા અને વિશ્વના સૌથી ધનિક વ્યક્તિ એલન મસ્ક ઈતિહાસ રચ્યો છે. તે 400 બિલિયન ડોલરની નેટવર્થ ધરાવનાર વિશ્વના પ્રથમ વ્યક્તિ બન્યા છે. બ્લૂમબર્ગ બિલિયોનેર્સ ઈન્ડેક્સના તાજેતરના ડેટા અનુસાર એલન મસ્કની સંપત્તિ $447 બિલિયન સુધી પહોંચી ગઈ છે. એલોન મસ્કની કુલ સંપત્તિ વિશ્વના બીજા સૌથી અમીર એમેઝોનના જેફ બેઝોસ કરતા લગભગ 200 બિલિયન ડોલર વધુ છે.

SpaceX શેરના વેચાણને કારણે નેટવર્થમાં $50 બિલિયનનો વધારો થયો

બ્લૂમબર્ગ બિલિયોનેર્સ ઈન્ડેક્સ અનુસાર એક જ દિવસમાં ઈલોન મસ્કની નેટવર્થમાં 62.8 બિલિયન ડૉલરનો વધારો થયો છે, જેના પછી તેમની સંપત્તિ 400 બિલિયન ડૉલરને વટાવીને 447 બિલિયન ડૉલર થઈ ગઈ છે. સ્પેસએક્સના શેરના વેચાણને કારણે ટેસ્લા ચીફની નેટવર્થમાં અચાનક મોટો ઉછાળો આવ્યો છે, આ વેચાણ પછી એલન મસ્કની નેટવર્થમાં 50 અબજ ડોલરનો વધારો થયો છે. વર્ષ 2024માં જ તેમની સંપત્તિમાં 218 અબજ ડોલરનો વધારો થયો છે.

ટ્રમ્પની જીતથી મળ્યો એલન મસ્કને બૂસ્ટર ડોઝ

અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પની જીત બાદથી એલન મસ્કની નેટવર્થમાં સતત વધારો થઈ રહ્યો છે. રાષ્ટ્રપતિની ચૂંટણી પહેલાથી ટેસ્લાના શેરમાં 65 ટકાનો વધારો થયો છે. એવું માનવામાં આવે છે કે ટ્રમ્પ વહીવટીતંત્ર ઇલેક્ટ્રિક વાહનો પર ટેક્સ ક્રેડિટ નાબૂદ કરશે, જેનાથી ટેસ્લાની હરીફ કંપનીઓને ફાયદો થયો છે. સેલ્ફ ડ્રાઇવિંગ કારને પણ પ્રમોટ કરવામાં આવશે. આ કારણે ટેસ્લાના શેરમાં મોટો ઉછાળો આવ્યો છે. એલન મસ્કને ટ્રમ્પ વહીવટીતંત્રમાં મહત્ત્વનું સ્થાન મળ્યું છે અને તેમને સરકારી કાર્યક્ષમતા વિભાગના સહ-મુખ્ય બનાવવામાં આવ્યા છે, જે સરકારને નકામા ખર્ચાઓ ઘટાડવા માટે સૂચનો આપશે.