સૂત્રોએ જણાવ્યું હતું કે ભૂતપૂર્વ આરોગ્ય પ્રધાનો સૌરભ ભારદ્વાજ અને સત્યેન્દ્ર જૈન સહિત AAPના વરિષ્ઠ નેતાઓને ટૂંક સમયમાં પૂછપરછ માટે બોલાવવામાં આવી શકે છે.
સૌરભ ભારદ્વાજ અને સત્યેન્દ્ર જૈનની ભૂમિકા પર સ્ક્રુટિની
- Advertisement -
AAP નેતાઓને ટૂંક સમયમાં પૂછપરછ માટે બોલાવવામાં આવી શકે છે
EDએ હોસ્પિટલોના બાંધકામમાં 5,590 કરોડ રૂપિયાના કૌભાંડનો આરોપ લગાવ્યો છે.
ઈડીએ આ મામલે એન્ફોર્સમેન્ટ કેસ ઈન્ફોર્મેશન રિપોર્ટ નોંધ્યો છે. ટૂંકસમયમાં જ AAPના દિગ્ગજ નેતાઓને પૂછપરછ માટે સમન્સ પાઠવવામાં આવશે. આ મામલે રાજ્યના પૂર્વ આરોગ્ય મંત્રી સૌરભ ભારદ્વાજ, સત્યેન્દ્ર જૈનની ભૂમિકા પર સવાલો ઉઠાવ્યા છે.
- Advertisement -
પહેલો કેસ
પહેલો કેસ રૂ. 5590 કરોડના હોસ્પિટલ નિર્માણ કૌભાંડ સંબંધિત છે. 2018-19માં દિલ્હી સરકાર દ્વારા 24 હોસ્પિટલની યોજનાને મંજૂરી આપવામાં આવી હતી. જે છ મહિનામાં તૈયાર કરવાની હતી. પરંતુ ત્રણ વર્ષ બાદ પણ બાંધકામ બાકી છે. અત્યારસુધી તેની પાછળ રૂ. 800 કરોડ ખર્ચ થઈ ચૂક્યા છે. હજી સુધી 50 ટકા જ કામ પૂરુ થયુ છે. તદુપરાંત એલએનજેપી હોસ્પિટલનો ખર્ચ રૂ. 488 કરોડથી વધી રૂ. 1135 કરોડે પહોંચ્યો છે.
બીજો કેસ રૂ. 571 કરોડના સીસીટીવી કૌભાંડ સાથે જોડાયેલો છે. 2019માં દિલ્હીના 70 વિધાનસભા ક્ષેત્રોમાંથી 1.4 લાખ સીસીટીવી કેમેરા લગાવવાની યોજના બનાવવામાં આવી હતી. આ કોન્ટ્રાક્ટ ભારત ઈલેક્ટ્રોનિક્સ લિ.ને આપ્યો હતો. પરંતુ યોજના સમયસર પૂરી થઈ ન હતી. BEL પર રૂ. 17 કરોડનો દંડ ફટકારવામાં આવ્યો હતો, ત્યારબાદ કોઈપણ સ્પષ્ટ કારણ વિના તે માફ કરવામાં આવ્યો હતો.
ત્રીજો કેસ
ડીયુએસઆઈબી શેલ્ટર હોમના નિર્માણ કાર્યમાં 207 કરોડનું કૌભાંડ થયું હોવાનું જાણવા મળ્યું છે. દિલ્હી અર્બન શેલ્ટર ઈમ્પ્રુવમેન્ટ બોર્ડ (ડીયુએસઆઈબી) સાથે જોડાયેલી આ યોજનામાં ગંભીર નાણાકીય ગેરરીતિ થઈ હોવાનો ખુલાસો થયો છે. જેમાં નકલી ફિક્સ્ડ ડિપોટિઝ રિસિપ્ટ મારફત રૂ. 207 કરોડની હેરાફેરી થઈ હતી. લોકડાઉન દરમિયાન દસ્તાવેજમાં જાણવા મળ્યું કે, રૂ. 250 કરોડનું શેલ્ટર હોમનું કામ ‘ઘોસ્ટ વર્કર્સ’ના નામે દર્શાવવામાં આવ્યું હતું. આ કામદારોનો પગાર કમિશન પેટે નેતાઓ સુધી પહોંચ્યું હોવાનો આરોપ છે.
