અમેરિકામાં વસેલા ભારતીયોની કમાણી પાંચ ગણી વધી: વૈશ્વીક સર્વે

-વિદેશમાં જઈને દેશી કારીગરો પણ સરેરાશ 120% વધુ કમાય છે

-યુએઈમાં વસેલા ભારતીય લો-સ્કીલ વર્કરની કમાણી 298% વધી: વિશ્વમાં દર વર્ષે 18.40 કરોડ લોકોનું માઈગ્રેશન થાય છે

ભારતીયોમાં વિદેશમાં અભ્યાસ માટે જવાનો અને પછી કાયમ માટે વસી જવાનો ટ્રેન્ડ વધી રહ્યો છે જેમાં નજીકના દેશો જેમાં યુએઈ વિ.માં કમાણી માટે અને અમેરિકા-કેનેડા વિ.માં અભ્યાસ અને કાયમ વસવા માટે ફેવરીટ સ્થળો બની ગયા છે. બ્રિટને તો તેની ઈમીગ્રેશન પોલીસી કડક બનાવી છે અને અન્ય દેશો જેવી તક બ્રિટનમાં મર્યાદીત છે પણ આ અંગે થયેલા એક અભ્યાસમાં એ પણ જણાવ્યું છે જેમાં વિદેશમાં થયો છે અને અભ્યાસ બાદ ‘કમાણી’ કરે છે તેઓની આવકમાં સ્થાનિક સ્તરે કમાણી કરતા 120% નો વધારો થયો છે.

ખાસ કરીને લો-સ્કીલ વર્કર એટલે કે કામદાર પછી ઈલેકટ્રીશ્યન કે પછી તેવી જોબ માટે વિદેશમાં જનારને આવકમાં ચાંદી થઈ છે. આ રીપોર્ટમાં જણાવ્યું છે કે જે લો-સ્કીલ ભારતમાં જેઓ કોઈ નિષ્ણાંત કે સ્પેશ્યાલીસ્ટ તરીકેની શ્રેણીમાં આવતા નથી. તેઓની આવક 500% જેવી વધી છે. જો કે ડોલર રૂપિયાનો તફાવત પણ કારણ છે જ. જો કે આ પ્રકારના અભ્યાસમાં જેઓ સીલીકોન વેલી- નાસા કે યુનિ. એજયુકેશન અને રીસર્ચ જેવા ક્ષેત્રમાં અમેરિકા જાય છે તેમનો સમાવેશ થતો નથી પણ તેમની આવકનો લો-સ્કીલ વર્કર કરતા પણ વધુ હશે તે ચોકકસ છે. વિશ્વભરમાં હવે માઈગ્રેશન વધતુ જાય છે. ખાસ કરીને એશિયન દેશોમાંથી પશ્ચીમના દેશોમાં જનારાની સંખ્યામાં મોટો ઉછાળો થયો છે.

આ સ્થિતિમાં ભારતના લોકો ગલ્ફ કો-ઓપરેશન કાઉન્સીલ જેઓ સાઉદી અરેબીયા, બહેરીન, ઓમાન, કતાર, કુવૈત અને યુએઈનો પણ સમાવેશ થાય છે તેમાં ભારતીયની આવક 118% વધી છે. યુએઈમાં 298% વધી છે જેની સરખામણીમાં બાંગ્લાદેશી જેઓ મલેશિયામાં સૌથી વધુ વધ્યા છે તેની આવકમાં 200% ફિલીપીન્સથી કોરિયામાં વસેલા લોકોની આવક 248% અને ન્યુઝીલેન્ડમાં વસેલા લોકોની આવક 263% વધી છે. વિશ્વમાં દર વર્ષે 18.40 કરોડ લોકો માઈગ્રેશન કરે છે. જેમણે એક દેશમાંથી બીજા દેશમાં જાય છે જે વિશ્વની વસ્તીના 2.3% છે. જેમાં શરણાર્થીઓ પણ સામેલ છે.