દુબઈના યુટ્યુબર મોહમ્મદ બૈરાથદારીએ પોતાની પાંચ લાખ ડોલર (આશરે 4.3 કરોડ રૂપિયા)ની ફરારી કારને ઘરની સજાવટમાં વાપરી છે અને ઘરની છતમાં ઝુમ્મર તરીકે લટકાવી દીધી છે.
મોહમ્મદ બેરાઘદારી એક ઈરાની વ્લોગર છે જે યુનાઇટેડ આરબ અમીરાત (UAE)માં લક્ઝુરિયસ પ્રોપર્ટીને તેના બ્લોગમાં રજૂ કરે છે. તેણે પોતાના સોશિયલ મીડિયા અકાઉન્ટમાં આ વીડિયો શેર કરેલ. જેને 8 લાખથી વધુ લાઇક્સ અને 24 મિલ્યનથી વધુ વ્યુઝ મળ્યા છે. આ યુટ્યુબરે કહ્યું હતું કે, છત પર લટકાવેલી ફરારી અત્યાર સુધીનું તેનું સૌથી બોલ્ડ હોમ ડેકોર છે. જોકે તેણે સ્પષ્ટતા કરી કે આ વાસ્તવિક ફરારી કાર નહીં પણ જેટ કાર હતી.
- Advertisement -
લક્ઝરી સ્પોર્ટ્સકાર જેવી દેખાડવા માટે ડિઝાઈન કરવામાં આવી હતી, પરંતુ એનો ખરો ઉપયોગ પાણીમાં જેટ સ્કી તરીકે પણ થઈ શકે છે. તેણે જણાવ્યું હતું કે કાર કસ્ટમ પુલી સિસ્ટમ સાથે જોડાયેલી છે અને છત પર ઊંચી કરવામાં આવી છે.
